2016年1月6日 星期三

唔做剩女 恨仔舒淇狂溝暖男彭于晏 [FACE - 450] __,彭于晏,舒淇,MF,

舒淇遇着細自己10年嘅彭于晏,一次工幹旅程中,彭于晏一連串窩心嘅舉動慢慢融化舒淇呢顆冰冷嘅心。貼圖區唔做剩女 恨仔舒淇狂溝暖男彭于晏強國近年都好流行講「剩女」,由舒淇同彭于晏主演新戲《剩者為王》擺明車馬用剩女做話題,劇情講述飾演「dry爆」女強人嘅舒淇俾暖男助手彭于晏融化,之後舒淇出盡冧招力追,睇嚟彭于晏都好難飛得甩。據知當初導演搵舒淇做新戲女主角原來同佢符合晒「剩女」要求有關,舒淇仲唔介意被影射 ...


舒淇遇着細自己 10年嘅彭于晏,一次工幹旅程中,彭于晏一連串窩心嘅舉動慢慢融化舒淇呢顆冰冷嘅心。

貼圖區

唔做剩女 恨仔舒淇狂溝暖男彭于晏

強國近年都好流行講「剩女」,由舒淇同彭于晏主演新戲《剩者為王》擺明車馬用剩女做話題,劇情講述飾演「 dry爆」女強人嘅舒淇俾暖男助手彭于晏融化,之後舒淇出盡冧招力追,睇嚟彭于晏都好難飛得甩。據知當初導演搵舒淇做新戲女主角原來同佢符合晒「剩女」要求有關,舒淇仲唔介意被影射,事關對手彭于晏係好朋友!咁唔知舒淇幾時先可以唔做剩女呢?

飾演女強人嘅舒淇不時發生蝦碌瘀事,而呢一幕就唔見咗工作證件入唔到閘,好彩暖男彭于晏及時係佢身邊兼幫手,舒淇亦開始對佢嗒糖。

#嗒糖 #好鬼瘀

多得熊黛林身邊支持,舒淇之後向彭于晏求愛成功!

#熊黛林

舒淇同彭于晏 friend過打 band,鏡頭前後都總會玩一餐,靚仔靚女會唔會撻得着呢?

舒淇同熊黛林戲中係好姊妹,兩人仲同樣係「剩女」代表,好多時遇到感情問題,都會搵對方幫手。

#剩女 #好姊妹

同樣係「剩女」嘅熊黛林,雖然萬事以工作行先,不過就搶先舒淇搵到真愛,同現實中情況一模一樣㗎!

舒淇被暖男彭于晏真誠打動,不過自己年紀大過佢,所以就算對婚姻有憧憬,點都有避忌。

採訪、撰文:娛樂組


鍾意就快D Share啦!
Related Posts Plugin for WordPress, Blogger...