2016年1月6日 星期三

老細唔睇 《閨密教煮》添食無望 雷頒德老婆被唱「八婆」 [FACE - 450] __,MF,

上週六(2日)《閨密教煮》最後一集,Jade請咗汪阿姐做嘉賓,仲透露原來係阿姐一手帶Jade入電視圈。(網上圖片)真面目老細唔睇 《閨密教煮》添食無望 雷頒德老婆被唱「八婆」大台近年不論劇集還是綜藝節目,大多都被網民插到暈,剛播畢嘅《閨密教煮》,搵嚟熱愛煮西餐、唱片監製雷頌德老婆梁家玉(Jade)和其好友側田做主持,人選有新意,網友意見有讚亦有彈。但有傳余詠珊頭馬、大台助理總經理杜之克開會時,就大 ...


上週六( 2日)《閨密教煮》最後一集, Jade請咗汪阿姐做嘉賓,仲透露原來係阿姐一手帶 Jade入電視圈。(網上圖片)

真面目

老細唔睇 《閨密教煮》添食無望 雷頒德老婆被唱「八婆」

大台近年不論劇集還是綜藝節目,大多都被網民插到暈,剛播畢嘅《閨密教煮》,搵嚟熱愛煮西餐、唱片監製雷頌德老婆梁家玉( Jade)和其好友側田做主持,人選有新意,網友意見有讚亦有彈。

但有傳余詠珊頭馬、大台助理總經理杜之克開會時,就大鬧《閨密》「做得好差, Jade講嘢成個八婆咁!」;而雷頌德就話老婆嚟緊會出本好特別嘅烹飪書。既然大家時間都唔夾,都係無謂夾硬開第二集

雷頌德( Mark)老婆梁家玉( Jade)近月突然殺入大台與側田主持《閨密教煮》,新人事果然有新作風,不過卻被大台助理總經理杜之克在會上大鬧「八婆」,節目更不獲添食。

Jade堅係對西餐有研究,不過有網友話寧願睇盧覓雪都好過睇 Jade,睇嚟 Jade爭啲觀眾緣喎!(電視圖片)

屬余詠珊(左)黨的杜之克(右),加入大台後不斷開節目捧有線人。《蘋果日報》圖片

淨捧有線人

剛播完的飲食節目《閨密教煮》請來 Jade和側田主持,組合新穎卻不受高層歡迎。早前大台開會,新官上任,升職快過直昇機的助理總經理杜之克就在會上大鬧,「未見過一個飲食節目做得咁八婆,做得咁差囉!」。

其實與余詠珊同一伙,同樣由有線過檔大台的杜之克一直不遺餘力提拔有線人,《娛樂三兄弟》、《一綫娛樂》、《覓食台北》等都由杜之克一手策劃,對於 Jade這位外行人,杜之克毫不俾面在會上決定無得留低。

而在上週六播出的最後一集《閨》, Jade被汪明荃問到點解會做主持,佢就話:「其實我都考慮咗好耐接唔接呢個 job,但係煮嘢食係我嘅熱忱,如果唔做將來可能會後悔。」

助理總經理杜之克 《蘋果日報》圖片

聽到杜之克鬧老婆八婆, mark冇即時發火,就話嚟緊老婆準備出書教煮餸,道不同咪各自閃囉!

拍得好 happy

早前本刊問到雷頌德,老婆被踩一事時, Mark仍讚大台拍得好,「佢做呢個節目之前都喺網上做過一、二年教人煮西餐,呢個係佢做嘅原因。唔係計酬勞,佢好開心做到一個咁好嘅節目,電視台亦好有心機去拍,大家都好 happy。」當得知杜之克在會上鬧老婆時, Mark即說:「佢親口同我講先信!」

其實月前 Jade已簽約 Mandy Lieu有份投資的 Quest Model公司,將來會有更多幕前演出機會,加上 Jade亦密謀推出烹飪書。此處不留人,自有留人處啫!

雷頌德養全家開支大

Mark的大仔雷鳴( Jack)(左二) 13年被確診患有亞氏保加症, Mark以畫畫與 Jack作溝通橋樑,老竇唔易做。

住 House

雷頌德 10年以 2千 3百萬買入大埔比華利山 4千呎獨立屋,與大仔 Jack、細仔 Jazz和 Jade與前夫所生的兒子 Sean同住,不過現年已 16歲的 Sean已在英國升學,學費亦由雷頌德負責。《蘋果日報》圖片

換新車

Jade近日換咗部 40萬寶馬 i3,殺入幕前即刻富貴咗喎!

上月 30日, Jade與友人現身工業中心,未知係咪傾烹飪書印刷事宜呢?

Mark近年更攻入文化界,不時開辦唔同藝術展覽,力圖開發更多財源。(網上圖片)

簽黃真真搵人仔

香港樂壇一沉不起,做音樂嘅想搵錢都幾難!正如一直都做幕後嘅音樂人雷頌德 Mark一樣,冇咗黎明, Kelly又將主場轉咗返屋企, Mark惟有跟電影人黃真真搵食。

自合作電影《閨密》後,黃真真和 Mark一拍即合, Mark說:「同佢好夾,所以簽咗做 agent,主要做內地電影配樂,我唔使點進軍內地,內地都識我!」雖然人仔開始回落,不過賺人仔點都好過喺香港唔知幾時有工開吖!

近年主攻內地電影配樂的 Mark,上月為好友 Kelly做演唱會音樂總監兼做埋嘉賓演出。

與黃真真正式簽約後, Mark主打內地電影配樂工作。(網上圖片)

採訪、撰文、攝影:娛樂組


鍾意就快D Share啦!
Related Posts Plugin for WordPress, Blogger...