2016年1月6日 星期三

中四第一次出旺角 天水圍窮家女:覺得世界好新奇 [FACE - 450 - 大專校園] __,MF,

彭淑媚 Sumi公開大學會計系Yr.4Fb:SumiPangIg:sumipang119U花U草中四第一次出旺角 天水圍窮家女:覺得世界好新奇Sumi渴望自己有個簡單又幸福嘅家庭,不過佢唔想嫁個有錢人,「我好抗拒有錢人,反而想同另一半一齊捱,餐餐咸魚白菜都無所謂。」15年嚟一直困在被標籤為「悲情城市」嘅天水圍,讀緊公大嘅彭淑媚Sumi,因家庭環境關係,中四先第一次出旺角,第一次見到各樣新事物,第一 ...


彭淑媚  Sumi

公開大學會計系 Yr.4

Fb: Sumi Pang

Ig: sumipang119

U花 U草

中四第一次出旺角 天水圍窮家女:覺得世界好新奇

Sumi渴望自己有個簡單又幸福嘅家庭,不過佢唔想嫁個有錢人,「我好抗拒有錢人,反而想同另一半一齊捱,餐餐咸魚白菜都無所謂。」

15年嚟一直困在被標籤為「悲情城市」嘅天水圍,讀緊公大嘅彭淑媚 Sumi,因家庭環境關係,中四先第一次出旺角,第一次見到各樣新事物,第一次意會到原來世界係咁得意。

Sumi父母喺佢讀緊小三嘅時候分開,喺一個破碎家庭成長,性格難免內向。「由小學開始我就成為同學欺凌嘅對象,被同學劃花我書包,又試過午飯時間被反鎖喺班房,其實我冇做啲咩得罪佢哋,只係我個人比較內向,唔出聲,佢哋就蝦得就蝦。雖然大個出嚟聚會佢哋有同我道歉,不過有啲陰影係道歉都彌補唔到。」

屋企窮,仲有三姐妹要養, Sumi根本冇零用錢,小息想買包維他奶飲都唔得。即使到中四搬出九龍,生活依然難過,「我係末代會考生,好難搵學校轉,為咗應付會考,我日日都溫到凌晨三點幾先瞓,瞓兩個鐘又起身返天水圍返學,雖然好辛苦,不過總好過困喺天水圍。記得第一次出到旺角,喺西洋菜南街見到人賣藝、唱歌,當時嘅我覺得呢個世界好新奇,好得意,原來個世界係咁大!」

自知自己性格內向唔出聲, Sumi就挑戰去做網台主持,「雖然事前要做好多功夫預備節目,但見到 fb忽然多咗幾百人 add我支持我,我真係好開心!」

做咗 3年 freelance模特兒, Sumi覺得做模特兒勝在上班時間夠彈性,時薪高,「𠵱家穩定都有萬幾蚊收份,試過好彩一個月有三萬幾蚊。」

撰文:葉浩婷

攝影:范仲良

化妝及形象: Kika Wong

鳴謝: Megasea Ltd.


鍾意就快D Share啦!
Related Posts Plugin for WordPress, Blogger...