網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月6日 星期三

捱出頭 最錫阿媽阿妹 老竇包二奶走佬坤哥靠阿媽攞綜援養大 [FACE - 450] __,坤哥,吳業坤,MF,

坤哥以樂壇新人身份連擸「我最喜愛的男歌手」同「我最喜愛的歌曲」,樂壇大豐收,坤哥梗係笑到見牙唔見眼!真面目捱出頭 最錫阿媽阿妹 老竇包二奶走佬坤哥靠阿媽攞綜援養大今期風頭躉仲唔係靠「毒」上位嘅坤哥吳業坤?《叱咤》連擸3個大獎成為大羸家,身穿窄身褲喺台上仲激動到「動L」添!作為樂壇新人有咁好成績,坤哥台上喊爆人之常情,眼淚背後原來仲收埋咗一段辛酸身世!父母十幾年前離婚,原因係老竇包二奶,仲決絕到拋低 ...


坤哥以樂壇新人身份連擸「我最喜愛的男歌手」同「我最喜愛的歌曲」,樂壇大豐收,坤哥梗係笑到見牙唔見眼!

真面目

捱出頭 最錫阿媽阿妹 老竇包二奶走佬

坤哥靠阿媽攞綜援養大

今期風頭躉仲唔係靠「毒」上位嘅坤哥吳業坤?《叱咤》連擸 3個大獎成為大羸家,身穿窄身褲喺台上仲激動到「動 L」添!作為樂壇新人有咁好成績,坤哥台上喊爆人之常情,眼淚背後原來仲收埋咗一段辛酸身世!

父母十幾年前離婚,原因係老竇包二奶,仲決絕到拋低坤哥一家三口走人!吳媽媽獨力難撐,據知自坤哥升上中學後,一家三口就靠攞綜援支撐,直到坤哥巨聲幫出道後因收入超額先唔使再攞!家陣坤哥捱出頭,騷價仲升到 6萬高位,搵到錢梗係第一時間孝順吳媽媽

坤哥風頭勢不可擋,繼早前《勁歌》同《新城》奪得新人金獎後,再喺上週五( 1日)《叱咤》連奪「生力軍金獎」、「我最喜愛的男歌手」同「我最喜愛的歌曲」三個大獎,仲在台上「動 L」,坤哥果然每次都帶俾大家無限驚喜!

坤哥同吳媽媽相依為命,最近人氣急升,收入多咗,仲第一時間帶佢去食好西,當媽媽係寶!《蘋果日報》圖片

雖然被老竇拋棄,不過坤哥同媽媽、妹妹嘅感情卻有增冇減,不時 po相晒親情!

拋低一家三口

身為樂壇新人嘅坤哥,今年破天荒揮低張敬軒、 Eason奪得「我最喜愛的男歌手」,台上除咗激凸「動 L」仲喊足全程,網民都勁 like佢真性情!

屋邨長大的坤哥,並唔係樂富區出身,實情在屯門區長大,而父母喺十幾年前已離婚,坤哥早前亦自爆同老竇關係麻麻,一年只見兩三次,原來因為老竇包二奶,當時仲絕情到拋低坤哥一家三口閃人!被老公狠心拋棄,吳媽媽獨力養起坤哥同妹妹。據知自坤哥升上聖文德書院後,吳媽媽開始靠攞綜援支撐,直至坤哥以巨聲幫出道後,因收入超過領取綜援的上限,吳媽媽先唔使再攞綜援,而坤哥收入亦開始上軌道。

叱咤夜 3助手送返公屋

頒獎禮成績驚人,唱片公司當佢神咁拜,派出 3位助手貼身護送返屋企,嘩……

三個星期前,坤哥仲係自己孭住支結他返屋企。

今年開紅館?

出道 5年,坤哥先以新人進軍樂壇,成績仲喜出望外,喺多個頒獎禮奪得多個大獎,唱片公司高層 Tommy更揚言要幫坤哥開紅館騷,「當然唔排除呢個可能性你都知道紅館個期都好難攞嘅!但的確今年想同佢做一個個人演唱會嘅!」

人氣急升,坤哥騷價亦 12倍跳升,升至 6萬高位,同許廷鏗和鄭俊弘睇齊!家下坤哥有「錢」途,吳媽媽梗係可以享下仔福

坤哥同媽媽合照,呢張仲 tag咗「重遊舊地」,即係屯門區。(網上圖片)

坤哥經常拍片 po上網呃 like,呢首〈單車〉仲指明係唱俾爸爸聽。(網上圖片)

升呢後的坤哥,週日出席唱片公司老闆 Tommy(右)婚宴時,更獲大老闆薛濟傑(左)出場接待,足見地位。

祖兒當 Mag透明

娛圈不時傳出不和傳聞,好似天后祖兒同林欣彤咁,拍《 Diva》嗰陣已經傳出唔啱嘴形。《叱咤》慶功宴上,大會叫英皇歌手合照,兩個明明企埋一齊,祖兒都可以當佢透明唔存在!

明明一張大合照,祖兒勁開心,但阿 Mag就好似吳若希嘅攝石人一樣,亂入一樣。

Mag企正祖兒隔籬,祖兒咁啱又攞個背脊「得」住佢,眼尾都冇望過佢。

慶功宴上, Mag只係自己匿埋一邊食嘢。

採訪、撰文、攝影:娛樂組


鍾意就快D Share啦!