唔係講笑，想去電影中心睇《十年》真係好難！好在 UA Megabox同太古城開始有得播，想買飛都易啲！
爆 Like王
《十年》夠入肉場場爆 單元導演：呢幾年現實太恐怖
2015年，《五個小孩的校長》及《哪一天我們會飛》兩套港產片爆出，罕有地近乎一面倒正評，證明以本土情懷做題材仍有市場。
15年尾，一套比以上兩齣戲更小眾、涉及政治這個敏感議題的獨立電影《十年》，竟然逆市跑出，離奇地由 12月 17日正式公映至今，場場爆滿。冇錯，《十年》最初只在百老匯電影中心放映，即使每日 6場 115個座位 full house，都未必比得上一場 IMAX版「砂窩」賺得多。
身兼策劃人兼其中一個單元《本地蛋》導演伍嘉良，都話籌備過程唔容易，「有演員驚被 label而推咗唔拍！」
F：《 FACE》 伍：伍嘉良
F：點解會拍《十年》？
呢幾年一直想拍紀錄片，由上年開始搵咗唔同界別嘅人傾偈，有學者、有社運人士，我發現佢哋一講到「將來」就雙眼發光，好似突然重拾希望；咁啱有幾個導演朋友對呢個題材好有興趣，於是就用咗五個角度去拍出 2025年嘅香港。
F：有人話《十年》係預言香港的將來？
呢幾年嘅現實太恐怖！十年前如果我拍飲鉛水係延年益壽、大白象工程係可以咁樣撥款、 TSA要咁樣操啲小朋友，你都會話我荒謬，但事實上香港𠵱家就係咁！套戲絕對唔係預言，歷史不斷重覆，我只係按歷史推敲將來會發生咩事。
F：《十年》的題材比較敏感，籌備時有冇遇到困難？
我嗰條片冇乜問題，但其他單元嘅導演試過搵演員時有困難，例如有演員唔係好認同某啲對白，希望做其他角色，甚至乎驚被 label而推咗唔拍！
F：好多港產片為避開《 Star Wars》寧願改期，點解會揀聖誕檔上畫？
咁啱啲港產片、商業片避《 Star Wars》，咁我見戲院有期咪去，冇所謂！反正《十年》各方面都冇得比，咁咪睇完《十年》先去睇《 Star Wars》囉！
F：拍呢類題材，怕唔怕被淨心 BB追殺？
嘩，呢個問題好尖銳喎！如果我係講真話去明辨是非，責任唔應該喺我身上，而係喺嗰啲唔講邏輯、非理性嘅指控同標籤裡面，嗰啲人要負責任！
來源 source: http://hk.face.nextmedia.com
|
鍾意就快D Share啦！
|
|
|