熱爆娛樂: 懶理小方　 Stephy再飛台灣瘟 TB [壹週刊 - 1360] _

2016年3月31日星期四

懶理小方　 Stephy再飛台灣瘟 TB [壹週刊 - 1360] __,Stephy,方力申,小方,鄧麗欣,M1,

返港面對傳媒， Stephy即扮到一副受害者模樣，楚楚可憐。

探熱針

懶理小方　 Stephy再飛台灣瘟 TB

Stephy（鄧麗欣）因為戀上台灣 TB小牛（鄧衍敏），決定同拍拖十年男友方力申分手，親手將「童話」結局改寫，同 TB愛得痴纏的她，已經 plan好行程，六月初再飛台灣，同小牛繼續二人世界。

谷唔出眼淚

星期日（三月二十七日）， Stephy在台灣和 TB新歡小牛度過九日甜蜜之旅，返港即被大批傳媒包圍追訪；真係咁啱，前度小方亦於同日出現機場，不過一個出一個入，小方飛長沙開工，兩個緣盡的人，亦緣慳一面。

見小方之前講分手講到當場爆喊，淚流披面， Stephy竟然有樣學樣，可惜個心唔傷，谷極谷唔出眼淚，最終只是眼紅紅。據小方表示，雙方是經過三個月冷靜期才決定分手，但在機場被圍訪的 Stephy突然唔夾口供，「件事（分手）發生得好快，喺決定分開同公開，自己未有足夠時間消化。」

同日小方同 Stephy出現機場，但兩人緣慳一面，當記者問到 Stephy戀上 TB，小方即時黑晒口面。

小方早前在記者會上，講到同 Stephy分手，表現得傷感兼唔捨得，之後 Stephy有樣學樣諗住加番同情分，分散有新歡事件注意力，點知谷唔出眼淚。

一個星期前， Stephy同新歡 TB喺台灣風流快活，戀愛中的心情靚到爆。

企硬攣愛

至於同新歡小牛的關係，雖然親密舉動被斷正，但 Stephy唔擔心被人認為是同性戀。

「完全冇諗呢樣嘢，我嘅角度佢（小牛）只係其中一個好好女性朋友，大家唔好揣測太多。我哋可以話亦師亦友，嚟緊有排球拍攝需要佢指引，保持友好關係。」企硬攣愛。

據知，與小牛正處於熱戀期的 Stephy，完全唔考慮身邊人和公司的建議，繼續同小牛發展，更定下行程，六月初會再飛台灣陪新歡。