曾華倩攞滿分 [壹週刊 - 1360] __,曾華倩,M1,

囝囝係游泳健將，會親自到場睇個仔比賽打氣影相嘅曾華倩，買手機鏡頭，聽完店員介紹，再親自試影。同你吟一吟曾華倩攞滿分個仔未夠四歲，曾華倩已經離婚，如今17歲Martin係喇沙仔又係游泳健將，單親媽咪一直靠自己。為安排囝囝喺最好環境下成長，曾華倩事事盡量追求完美，買生果，知道自己唔夠pro，會叫店員幫忙揀靚啲嘅；買麵包，一定校啱時間，同街坊鬥逼都等新鮮出爐。囝囝每次比賽，曾華倩一定到場打氣，仲會攞住手 ...

囝囝係游泳健將，會親自到場睇個仔比賽打氣影相嘅曾華倩，買手機鏡頭，聽完店員介紹，再親自試影。

同你吟一吟

曾華倩攞滿分

個仔未夠四歲，曾華倩已經離婚，如今 17歲 Martin係喇沙仔又係游泳健將，單親媽咪一直靠自己。

為安排囝囝喺最好環境下成長，曾華倩事事盡量追求完美，買生果，知道自己唔夠 pro，會叫店員幫忙揀靚啲嘅；買麵包，一定校啱時間，同街坊鬥逼都等新鮮出爐。

囝囝每次比賽，曾華倩一定到場打氣，仲會攞住手機做埋大會攝影。有日《壹》仔喺沙田新城市廣場見到佢行完 Samsung，再入咗間專賣手機配件嘅鋪頭，原來係想買外置嘅手機鏡頭。

魚眼鏡好，定廣角鏡好，逐個試清楚。

作為單親媽咪，曾華倩攞滿分！

手機鏡頭分廣角鏡同魚眼鏡，都係百鬆啲蚊有交易。

去買麵包，曾華倩定必吼準出爐時間，唔怕同其他街坊一齊逼。

買慣買熟信得過，遞個袋俾店員幫佢揀，蘋果、楊桃、枇杷果、甜柑橘，全部係對氣管同肺好嘅，呢個阿媽，乜都諗個仔先。

撰文：八珍

來源 source: http://hk.next.nextmedia.com

鍾意就快D Share啦！

下一篇 》