熱爆娛樂: 後會有琪 [壹週刊

2016年4月21日星期四

後會有琪 [壹週刊 - 1363] __,M1,

娛樂偵訊

後會有琪

佩服謝安琪（ Kay）的灑脫。

在上位事業與家庭之間，她毫不猶豫選擇了後者。

十年，辛辛苦苦披荊斬棘，開山劈石，才有今日登上女神寶座的成績，正在步入收成期的她，卻再一次暫別樂壇，回到她最重視的家庭崗位，重新出發，尋找另一個謝安琪。

準備退下火線， 16• 4，晚上 10時 45分，暫別個唱尾聲，站在用行李篋布置的舞台上唱《山林道》，現場觀眾不願放手，再來一次真• encore，謝安琪帶淚收拾行裝。

有幾灑脫，放手還得需經過掙扎鬆開。

後會有琪！

十年的行李

每一次個唱，謝安琪都有她的 message。

暫別樂壇的《拾回》，有行李篋的舞台，皮篋的手挽位，堅•真皮包住，盛載十年珍貴回憶，見證她選擇的另一條路。

完成埋個唱慶功宴，阿 Kay正式展開新生活，專心照顧家庭。期待老婆退下來的張繼聰，當晚肉緊嘴她。

出場，老公張繼聰陪實。

張繼聰氹妻花藍。

老公帶錯路

一連兩晚，趕拍新劇《幕後玩家》的張繼聰，攝時間每晚七點便趕到紅館為老婆打氣。下午先送上一個花籃冧爆老婆的他，一到埗即上前攬實剛彩排完的謝安琪。

二人拖住手走到花籃面前，欣賞張繼聰精心炮製的情話：「阿 Kay：認唔認得我呀？我真係好鍾意你㗎！可唔可以影張相呀？狂迷張繼聰」，令人妻 Kay甘願退下來的，也因如此！

準備出場，謝安琪由老公攬實陪住走過後台的通道準備上台，不過張繼聰竟然帶錯路，開錯門。

暫別樂壇，十級緊張的是將要獨力搵錢養家的張繼聰。

難得阿 Kay兩仔乸同台演出，張繼聰一早到場坐定定睇囝囝張瞻彩排。見遺傳晒佢表演基因的囝囝跳得出色，阿聰睇到拍晒手掌。

張瞻星閃閃

兩晚都有做媽咪嘉賓的八歲張瞻，星閃程度不遜於 Uncle劉華與 Juno哥哥。表演慾強，有台型又淡定，瞻瞻與媽咪踩台跳街舞，完全挑起觀眾神經，尖叫聲此起彼落。

事後瞻瞻被問初次演出的感受，他隊住零食接受訪問。「開始有少少緊張，但跳到中間就冇。（係爹哋還是媽咪鼓勵你參與演出？）係媽咪鼓勵我，排咗兩個月嘞！」

好滿意自己演出的瞻瞻，更率直地爆出一句：「如果媽咪仲再有一個最後演唱會，我肯定會繼續跳。」

準備出場的 Juno，立即走近同瞻瞻 give me five，俾 like。八歲張瞻精靈到爆，也是謝安琪選擇留守家庭，給過幾年就步入反叛期的兒子，更多一起成長的時間。