張繼聰man到一個點！
無綫新劇《幕後玩家》演員黃宗澤、張繼聰、莊思敏及鄧佩儀喺鯉景灣開工。故仔講出監之後嘅張繼聰喺餐廳打工，過馬路時差啲畀反咗面嘅好兄弟黃宗澤駕車撞到，發咗達不可一世嘅黃宗澤趁機嘲笑阿聰。
護妻Man到爆
阿聰托住五十磅麵粉來回拍攝，阿聰拍攝時依然面不改容，Man爆。講到阿聰老婆謝安琪近日備受網友批評，阿聰因為好Man咁向網友「挑機」維護愛妻，即獲網民激讚，更因而被封「真‧男神」，對此阿聰話：「呢啲抨擊好多年，但今次喺我嘅社交網站留言，其實唔係嬲，係想了解吓一個成年人，點解咁無聊去人哋個網頁留言，講啲咁唔禮貌嘅嘢，希望呢啲風氣唔好咁犀利，唔好太過份。」
老婆放假勁開心
講到網友激讚其護妻行為，張繼聰不以為然，反而繼續力撐太太在《殭》的表現，他說：「冇乜嘢呀。我同太太一齊睇《殭》，覺得佢能力範圍內已經做得好好，已經盡力去做，行內人都讚佢第一次拍劇已經好好，如果八十分滿分，我會畀一百分囉。（依家係咪要孭起頭家？）佢放假我都好開心，同親戚飲吓茶，佢都想多啲時間陪個仔，身體上亦要多啲休息，多啲時間處理屋企幾好呀，我哋又唔係好奢侈嘅人，應付到生活已經好滿足，我唔覺得辛苦。」
黃宗澤奸出汁
黃宗澤喺劇裏面後期變咗大反派，佢話唔介意做奸角，雖然都驚角色出街畀人鬧，但如果係咁都係成功嘅，他說：「後期講我為咗上位，兄弟、老婆、二奶全部都出賣，呢套都算係自己最奸嘅一套劇。」莊思敏同鄧佩儀都大讚張繼聰護妻認真夠Man，莊思敏話：「保護屋企人當然好Man啦。」鄧佩儀則多謝張繼聰拍攝時對她的提點，並謂是次合作學到很多東西。
來源 source: http://hk.on.cc
|
鍾意就快D Share啦！
|
|
|
