掃呢頁CODE去手機

2016年4月21日 星期四

林峯:林峯得番139磅 瘦到底褲唔啱着 __,林峯,

林峯瘦咗勁多!!!歌手林峯為月底在紅館舉行的《HEARTATTACKLFLIVEINHK》演唱會到錄音室排練,經過連月來的地獄式操練,阿峯每次出現都明顯比之前消瘦,阿峯今次「V字」更明顯,一雙麒麟臂令人睇到流口水。問到現在磅數?阿峯表示最重時曾有160磅,他謂:「我唔係睇磅數去減,不過上星期做完運動見到有個磅就上去磅吓,磅到係139磅,我呢廿年嚟冇試過咁輕。」激減21磅,阿峯坦言全部褲都不合身,要 ...


林峯瘦咗勁多!!!

歌手林峯為月底在紅館舉行的《HEART ATTACK LF LIVE IN HK》演唱會到錄音室排練,經過連月來的地獄式操練,阿峯每次出現都明顯比之前消瘦,阿峯今次「V字」更明顯,一雙麒麟臂令人睇到流口水。

問到現在磅數?阿峯表示最重時曾有160磅,他謂:「我唔係睇磅數去減,不過上星期做完運動見到有個磅就上去磅吓,磅到係139磅,我呢廿年嚟冇試過咁輕。」激減21磅,阿峯坦言全部褲都不合身,要換過一批新的。問到內褲都要買過?阿峯笑言:「係呀,全部Boxer(孖煙囪)都要買過。」

唔捨得翻肥

服裝指導馬天佑早前指阿峯瘦了幾個碼,阿峯表示:「係呀,咁到時演唱會運動量仲會大啲。(怕唔怕操到上癮?)又唔會,我咁鍾意食嘢,不過就算演唱會完咗都會Keep住呢個身型,因為真係好搏命先練到返嚟,唔捨得畀自己脹番,但食嘢要食嘅。」

放狗見女友

問到女友吳千語有否試試胸肌的「手感」?阿峯笑謂:「呢個你要問佢,呢排我都閉閉哋關。(千語BB都唔見?)都有嘅,放狗囉。」女友可有讚身型正?阿峯謂:「都有鼓勵嘅,我所有身邊人,好似爹哋媽咪見到我,就話瘦咗要食多啲,怕我台上唔夠力唱,我同佢哋講放心,因有做運動好健康。」

冇乜練下身

阿峯瘦到要改衫,問到會不會索性在騷上不着衫騷Body,或者像杜德偉「脫掉脫掉」?阿峯笑言:「褲要着嘅,咁個個人Style唔同,我又冇乜練下身。」阿峯又謂起初操練時,因食量減少令血糖變低,他笑謂:「嗰時真係坐低起身見頭暈,因三個月冇食過糖粉,但依家適應咗,仲有得食蕃薯添,好正。」阿峯表示想定個唱練束後會和一班工作人員去吃火鍋食餐好。


來源 source: http://hk.on.cc
鍾意就快D Share啦!