雖然秀文bb話今日真空上陣，但係好似冇嘢睇喎！
「咪神」張秀文穿上lace裙出席活動，並坦言真空上陣，但強調已經貼了膠紙。腳踏三吋高踭鞋的她，於活動期間不慎仆一仆，她笑言：「落地開花。（跌爛嘢先用㗎喎。）希望愈仆愈紅，大展鴻圖。（有冇試過當眾仆過？）冇，我成日仆，不過仆一半就會企番起身，未試過狠狠咁仆過。（講咗就會仆。）差啲想講承你貴言，哈哈，希望唔會啦。」
讚緋聞男友Victor叻
她又表示自己平衡力差，連單車都不會踩。記者建議她叫男友教她，她即表示自己單身，若有男友也會叫對方教。問到與她一同署名贈送花籃兼其緋聞男友Victor是甚麼關係？她說：「公司嘅supervisor。（升咗呢未？）升咗做鄰居。（幾時可以教你踩單車？）我成日都叫身邊朋友教，我諗佢都OK叻嘅。不過我要由四個轆學起，之前試過學過一個下午，不過我好怕炒車，炒車好瘀，要搵一個寧靜嘅環境學。（喺屋苑教？）咁瘀，唔想畀人影到。」
來源 source: http://hk.on.cc
|
鍾意就快D Share啦！
|
|
|