陳達仁本身都話會問米，仲話想破地獄，但全部都因為時間關係全部做唔成！
新城DJ陳達仁結婚之喜迎娶圈外女友Sonia Wong，早上進行傳統的接新娘及向長輩斟茶的儀式，兩人在親友起哄下情深一吻，一對新人還大派利是，兄弟團將新郎哥抱起，而新娘則被姊妹胸襲，玩得又癲又喪。
犯禁有人撐
不過更癲更喪的，還有陳達仁的「理想婚宴」，陳達仁表示：「我個婚宴名叫『陳王百無禁忌結婚典禮』，諗住喺婚宴上進行一個『潮版破地獄』，可惜唔夠時間搞唔成，但我堅持設『吉位』畀媽咪，等佢『見證』佢個仔成家立室。」他又解釋是將傳統的「破地獄」重新「包裝」加入舞蹈，覺得中國傳統文化應薪火相傳，他說：「我覺得『破地獄』係非物資文化遺產，係好要需要發揚光大嘅。」自稱兼任殯儀工作，一向百無禁忌，連好友們也支持他去犯禁。
堅持尊重媽媽
談及早上接完新娘就上和合石拜亡母，一對新人跪在墓前恭敬地向「奶奶」奠酒，眾兄弟姊妹表情亦很嚴肅，由於新人去掃墓相當「另類」，故沿途遭人眼超超，問他可覺得「另類見家長」似做騷，他說：「都有人問我係咪嚟拍戲呀？」不過他覺得結婚拜山無罪：「其實我係想講畀大家知，為人子女要孝順父母，個仔結婚唔通留低阿媽喺屋企咩？咁我結婚唔想阿媽一個人孤伶伶嘛。」又說曾想過拜山後再問米，請阿媽「現身」飲新抱茶，不過又是因時間關係而不能成事。
當初宣布結婚會加埋拜山、問米、破地獄等等落去時，大家其實都好期待陳達仁會點樣處理呢次百無禁忌嘅結婚典禮，點知去到最後，就得拜山呢一部份可以完成，真係雷聲大雨點少，但點都好，都恭喜及祝福一對新人
來源 source: http://hk.on.cc
|
鍾意就快D Share啦！
|
|
|