正所謂：「口裏說不，身體卻很誠實」，平日啲藝人無論係傳不和抑或緋聞，一個二個點否認都好，事實始終係事實，演唔嚟嘅。（更何況有啲藝人啲戲根本就……啦，你懂的。）噚晚大台套《純熟意外》大結局，一班有份演出嘅演員，包括蔡思貝、李施嬅、孫慧雪、黎諾懿等等就約埋食飯睇直播，而焦點係之前有傳因爭戲份而不和嘅蔡思貝同李施嬅度，當日傳不和時，雖然蔡思貝塊面就「一路向西」，但李施嬅都否認兩人爭戲（新聞連結： http://bit.ly/1ttrC3U ）。話說孫慧雪噚晚食飯期間玩facebook直播，蔡思貝同佢黐晒頭咁，兩個又用「BB音」讚楊證華好man；而坐蔡思貝嘅另一邊係賴慰玲，再掃過去仲有魯振順同黎諾懿等，至於李施嬅，就坐喺黎諾懿隔籬，另一邊係曹永廉，總之，蔡思貝同李施嬅真係隔得好遠。嗰個直播中，見唔到蔡思貝同李施嬅有任何交流，反而係蔡思貝喺孫慧雪介紹同枱嘉賓時，隔半張枱都要手指指咁介紹曹永廉，係咪厚此薄彼？請自行定奪。至於李施嬅方面，佢雖然冇直播，但頭先就喺Instagram度貼咗張相，係影今晚食飯嗰一枱人嘅，不過，點解會有張吉凳位嘅？再數數人頭，嗰個位咪蔡思貝嘅？雖然隔籬嘅賴慰玲都唔見咗，不過李施嬅嘅心意，大家都應該收到啦可！
| 好地地嘅一幅食飯相，有個位吉咗，再睇吓，原來坐嘅係蔡思貝。（互聯網圖片） |  |  孫慧雪（左）玩facebook直播，蔡思貝突然「黐頭芒」上身，係咁入鏡。 |
 賴慰玲後尾加入 |  |  |
 李施嬅喺孫慧雪個直播度有份現身 |  |
來源 source: http://hk.apple.nextmedia.com
|
鍾意就快D Share啦！
|
|
|