劈咗幾粒鐘，離開時，李思捷扶實飲到面都紅晒的 Cory行。
娛頭
當街扯 灌酒三小時 氹 34D彭湘淇過夜 李思捷 5分鐘搞掂
42歲的李思捷自與「春卷」王寶寶甩拖後，主力雜食的他最近又有新 target，不過今次唔玩驅風中女，而是只有 20出頭的「身心美慈善基金」靚女副主席彭湘淇（ Cory）。
二人孖住到山林道食日本菜，兩杯落肚，「雜食王」立即出招，氹對方繼續下場。就算女方唔多願，李思捷亦唔肯罷休；經過一輪當街拉址後，飲到貓晒的 Cory最終就範，齊齊坐的士返李思捷何文田山道寓所過夜。
坐房慢慢歎
家底、名氣，李思捷要正正經經搵番個女友，一定唔難，同春卷分手後，雜食王卻全力玩就手，更老嫩通殺，早排搭上有「馬來西亞第一名模」之稱的人妻謝麗萍（ Amber），但轉個頭，已更新目標，轉溝有 34D火辣身材的彭湘淇（ Cory）。
上月十日晚，本刊發現李思捷一支公現身尖沙咀山林道一間日本料理，未幾，就見身穿低胸白色連身短裙的 Cory到。約女撐枱腳，李思捷特別安排坐入 VIP房，免受其他食客騷擾。
現場所見，侍應不時進出房間，為二人添酒，其間更見已飲到有醉意的 Cory急跑入洗手間，十居其九飲到想「劏」！
欲拒還迎
八點飲到十一點，腳浮浮面紅紅的 Cory才由李思捷扶實離開。李思捷第一時間截的士並拉 Cory上車，但她不斷想 fing開對方，擰頭嗌走。
覓食經驗豐富的雜食王當然不會輕易放走到口的獵物，一招「情聖」上身，輕撫 Cory額頭再加三兩句甜言蜜語，掂咗！
欲拒還迎的 Cory上到車，即與李思捷攬埋一嚿，一齊返李思捷位於何文田的寓所繼續 happy。
得戚回應
本週二（八月八日），李思捷被問到同辣模 Cory當街拉扯一輪後，再同返屋企繼續下場，他一臉不耐煩，還反問記者：「我同好多女仔喺山林道食飯，俾張相嚟睇吓，我話俾你聽係邊個。」之後急急腳上車走人。
記者致電求證女主角時，一開始 Cory認識李思捷，但當問到她上對方屋企過夜，即表現緊張。
「吓！冇！（我哋親眼見到李思捷拉你上車，之後你哋一齊返佢屋企？）你哋（指記者）究竟影咗咩相呀？（你同佢拍拖？）其實已經識咗李思捷六、七年時間，識咗咁耐，點會到而家先一齊？
「（你飲到好醉，記唔記得？）我哋成班朋友去飲嘢，之前有合作所以多咗傾偈，我唔喺香港，遲啲再講！」彭湘淇說。
咬住唔放
據了解，二人是今年初在朋友生日會相識，月前的慈善晚宴中再遇上，李思捷便鎖定目標，全晚咬住 Cory唔放。
「嗰晚係『身心美慈善基金』年度晚會，今年大會請咗李思捷做嘉賓，其實現場有好多 model，但 Cory係副主席，所以被安排同李思捷坐。佢兩個全晚已經好好傾，估唔到真係咁快搞埋！」當晚有在現場的一名𡃁模說。
有女唔上，罪過罪過！雜食王李思捷，豈會放慢手腳走雞呢！
郭天王都啱睇
擁有 34D身材的彭湘淇（ Cory）， 13年入行，曾推出派台歌《變身》及《甚麼叫幸福》， Cory經常現身慈善活動，現為「身心美慈善基金」副主席，因身材驕人而成為廣告商寵兒，是「現代美容中心」代言人。去年，有傳同樣熱愛玩賽車的 Cory，獲天王郭富城主動關注 instagram，因而傳出緋聞。
乜都啱食
叫得雜食王，李思捷多年來戰績彪炳，仲要無分年齡、類型，但求就手，食得唔好嘥。
撰文、攝影、攝錄：娛樂組
|
鍾意就快D Share啦！
|
|
|
