有愛情滋潤嘅女仔係特別靚嘅，你信唔信？我信，真係信！睇完Coffee林芊妤有爆肌男友喺身邊，同埋冇爆肌男友喺身邊，就更加信！讀者馮小姐噚日透過「爆相爆片」分享咗佢喺澳門官也街影到Coffee嘅相片，冇男友喺身邊嘅Coffee，個樣同平時真係有好大落差，素顏、短裙、拖鞋，加一個hea爆樣，嘩！小姐你邊位呀！馮小姐同《蘋果》講：「9號晚差唔多九點鐘，喺官也街見到Coffee，同佢一齊嘅有男有女，其他人應該買緊嘢，佢就企喺鉅記門口，個樣都有少少唔耐煩咁。」其實，Coffee呢兩日都有喺ig貼上，最吸睛當然係佢著三點式，挺胸趷蘿喺池邊影嘅相啦，不過離開池邊着番衫嘅Coffee，點解企喺手信街會變咗個大媽咁嘅？！唔單止個樣攰爆，對腳睇落仲比平時粗咗好多噃！點解嘅？點解嘅？《蘋果》打過電話搵Coffee，知道俾讀者影咗相，佢第一個反應就係：「哎吔，一定好樣衰放假嘛，冇化粧嘛！」然後就笑住話：「今次係同哥哥、阿嫂，仲有兩個侄仔去玩，因為應承咗請佢哋去玩好耐，趁暑假就帶埋小朋友一齊去！嗰日大家去官也街買嘢食啫！」其實Coffee又唔駛介意啲相影得靚唔靚啦，你咁錫屋企人，買埋樓俾屋企人住，又請屋企人旅行，雖然只係近近地去澳門，但咁乖女，個心靚咪得囉！
| 平時Coffee喺社交網絡都不時上載索爆靚相，點知素顏就..(讀者馮小姐提供圖片) |  喺澳門手信街捕獲到嘅「大媽Coffee」。(讀者馮小姐提供圖片) |  Coffee接受《蘋果》電話訪問，都笑自己一定好樣衰。(讀者馮小姐提供圖片) |
 (讀者馮小姐提供圖片) |  Coffee話只係同家人去澳門玩，所以冇化妝。(讀者馮小姐提供圖片) |  不是活在閃光燈下，最真嘅Coffee，自由自在。(讀者馮小姐提供圖片) |
 同一個地方，拍攝日期一樣，人物都係Coffee，但自己up上網嘅，正幾多。 |  |  |
來源 source: http://hk.apple.nextmedia.com
|
鍾意就快D Share啦！
|
|
|
