宋熙年同陳智燊拍拖七年，今年 9月將在英國教堂行禮。
娛樂偵訊
陳智燊宋𤋮年 9月英國教堂行禮
宋熙年同陳智燊（ Jason）拍拖已經七年，男友去年在澳洲向她正式求婚，宣布「封盤」！
礙於過去一年劇接劇，婚事一拖再拖，等足一年，宋熙年九月終於可以出嫁。一對新人分別會在英國、澳洲和香港三地擺酒；第一站，將會在準新郎的老家英國。
驚喜求婚
去年七月，宋熙年返澳洲為父親慶祝生日，男友陳智燊事先不動聲色，暗中向公司請假，秘密陪飛。結果，在宋父的生日 party中， Jason突然捧着花出現，在女友的雙親見證下，跪地求婚，宋熙年喊住應承。
回港後，二人着手籌備婚禮，但近年開始上位的陳智燊，終於等到機會擔正做男一，更加劇接劇冇停手。事業行先，婚姻大事，足足押後了一年。
三地婚宴
今年六月，陳智燊終於坐言起行和女友到婚姻註冊處入紙排期結婚。據了解，二人將於下月初出發飛英國行禮，一班姊妹團包括高海寧、李亞男、陳爽、龔嘉欣等，都會隨團出發。
「英國係 Jason老家，屋企人喺晒嗰邊，所以第一站就係英國，佢哋會响教堂行禮，亦會喺嗰邊擺酒，計劃逗留三個禮拜，順便度埋蜜月。跟住第二站係飛女家澳洲， Sarah（宋熙年）啲親戚亦喺晒嗰邊，最後一站先到香港，十二月會擺酒，主要請無綫啲同事同朋友。」陳智燊身邊人說。
搬定大屋生 B
開晒口婚後要生四個的陳智燊，早已經由將軍澳細屋仔，搬到馬鞍山天宇海的千呎單位，為將來生 B做好準備。
「結婚之後， Sarah會開始減少做嘢。因為 Jason自己都有四兄弟姊妹，本身又鍾意大家庭， Sarah今年都三十歲，如果真係要生四個，就要嗱嗱聲開工。」二人身邊朋友說。
拍拖七年不癢！一對準新人拍拖行圓方，全程繑實，慌死走失。遇到 fans要求影合照，二人拍住 selfie；之後去埋超市，補給零食同日用品，陳智燊拎嘢，宋熙年就負責俾錢。財權，交晒俾未來老婆！
陳茵媺唔夠揪
現年 31歲的宋熙年， 06年雪梨華裔小姐冠軍， 07年於國際中華小姐競選中以大熱姿態，擊敗香港代表陳茵媺再奪冠。加入無綫後，曾主持節目包括《東張西望》、《為食總司令》及《名人飯堂》等，間中亦有參與劇集演出例如《當旺爸爸》及《四個女仔一個 BAR》等。
13年，於《巨輪》中飾演 Judy一角，與女主角田蕊妮互相掌摑一幕，備受關注。 14年，陳智燊與宋熙年大方公告戀情，去年，男友於 ig宣布求婚成功，網民瘋狂轉發，送上祝福。
撰文、攝影、攝錄：娛樂組
|
鍾意就快D Share啦！
|
|
|
