網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月30日 星期五

【直擊公屋裝修】11萬裝修全包宴!40日改造前後全對照 __,

升斗市民苦等數年終於上到樓,層公屋隨時由二人世界住到仔女開枝散葉,所以家陣好多租戶就算銀根掹掹緊,都肯花多啲錢做裝修。近排有裝修公司提供「裝修全包宴」,11萬裝修費包設計、連工包料同訂造傢俱,40日內將粗陋的交樓標準打造成溫馨窩居。好似鄧生鄧太咁,六年前開始排公屋,去到舊年12月先獲派安達邨一間二人公屋,面積大約234方呎,到今年6月收信通知交樓,就即刻開始同裝修公司傾點樣打造安樂窩,本報記者亦開 ...




其他影片:>>






升斗市民苦等數年終於上到樓,層公屋隨時由二人世界住到仔女開枝散葉,所以家陣好多租戶就算銀根掹掹緊,都肯花多啲錢做裝修。近排有裝修公司提供「裝修全包宴」,11萬裝修費包設計、連工包料同訂造傢俱,40日內將粗陋的交樓標準打造成溫馨窩居。好似鄧生鄧太咁,六年前開始排公屋,去到舊年12月先獲派安達邨一間二人公屋,面積大約234方呎,到今年6月收信通知交樓,就即刻開始同裝修公司傾點樣打造安樂窩,本報記者亦開始見證單位一間灰白醜怪的水泥吉屋點樣響40日入邊改頭換面。住得公屋,份人通常貼地。6月中收樓當日,鄧生鄧太企響連地磚都無嘅水泥地上邊,望住幾張手繪概念圖,略帶期待咁話,希望整個裝修方向以實用為主,「我地諗住個廳大啲,最多偷多啲位擺野。顏色方面就想淺色啲、舒服啲,所以成間屋都油淺藍色。」公屋裝修免租期得14日,另一邊廂,舊居租約期亦都就快到期,裝修遲咗唔知點算好,所以佢地收樓之後,隨即交匙畀後裝修公司,極速開工,去到八月第一個周末間屋已經住得。裝修完的公屋,起居空間舖淡棕色木紋磚,全屋牆身油晒做天藍色,感覺舒服。公屋交樓標準無間隔,設計師安排窗前地方做睡房,用一組通頂衣櫃同趟門分隔開,房入邊升高地台做床,加埋客飯廳多個組合櫃,夠晒位擺鄧太心愛嘅鞋。廚房同廁所裝晒假天花,遮咗部份核突喉管,廁所再加埋鏡櫃同棗紅色邊洗手盆櫃,入到起乾淨舒服。八月初入伙當日,以十分做滿分,佢地兩個畀間屋值八分,「一開始嗰時得啲圖,佢唔砌出黎,你都唔知會唔會同我諗嘅、或者佢畫嘅有唔同。依家間屋出黎果個效果張圖或者我地諗嘅八、九成似」。記者:陳東陽、陳家恩攝影:黃耀興、梁穎賢掌握財經生活資訊,即Like「蘋果ATM」fb專頁

http://fb.com/appledailyatm

間睡房後大廳長9呎8、闊8呎7,牆身油粉藍色配木紋地磚,感覺溫馨。 浴室加裝假天花、棗紅色邊洗手盆櫃及鏡櫃,裝修後感覺整潔,淋浴位置維持原狀,無加裝浴屏。 公屋交樓時為無間隔開放式,設計師以到頂衣櫃間出睡房,入房樓梯都有做櫃桶,盡量增加儲物空間。
廁所外亦有加裝一組組合櫃,預留位置放雪櫃。 觀塘安達邨整個屋邨11幢住宅樓宇,今年陸續入伙。

鍾意就快D Share啦!