雖然肥咗，但女神嘅甜美笑容永遠都係無敵。
藝人陳瀅出席彩妝品牌活動，透露剛跟家人去完美加旅行回來，並表示玩得很開心：「我主要係陪婆婆，但佢年紀大唔方便飛太遠，又想同佢去旅行，所以今次係我人生第一次上郵輪，終於明白點解話郵輪係老人家坐，船上真係得我一個後生女，我哋由溫哥華坐去三藩市。」她又笑謂旅行期間一日食足6至7餐，食大咗個胃，故現在經常感到肚餓。
男友要識「外婆政策」
問到旅行有否艷遇，她表示有被男仔「眼神挑逗」：「係一個30幾歲嘅外籍人，佢用好衰嘅眼神望住我，但冇同我講嘢，我轉身就走。」她又指自己個人較傳統，喜歡中國人，但若外籍人士有碧咸咁靚仔又「唔同講法」。問為何如此抗拒外籍人士？她說：「因為細個婆婆湊大我，教我要有傳統文化，過時過節要送禮。」她又笑言做其男友必需行外婆政策。
擲五位數請家人旅行
問到「畀仔撩」有否告訴前男友何猷亨，她表示有即時告知婆婆，並稱婆婆沒有催自己拍拖，她說：「我肯返去陪佢見佢，佢已經好開心，好珍惜大家嘅相處時間，今次旅行仲要係三代同堂，好難得。」她又謂今次花了5位數請家人旅行，故回港後要努力工作搵銀。
來源 source: http://hk.on.cc
|
鍾意就快D Share啦！
|
|
|