歌手柳妍熙（Shay）由國家級田徑運動員轉型做歌手後，早前飛抵古巴拍處女寫真集加遊記，並定於10月初推出。擁有模特兒身材的Shay，除變身導遊遊覽古巴各名勝外，又遍尋地道美食，當然不會錯過古巴藍天碧海的靚絕海灘，她分別穿上3、4套噴血泳裝，大騷36D上圍配長腿的完美身段。
一個月減廿幾磅
Shay表示為了今次寫真集及遊記，她僅用了不足一個月時間極速減20多磅，不過問到為何不穿三點式泳衣「騷個徹底」，她說：「我今次走型格路線，一件頭泳衣已經係我終極底線。」為了keep fit，她只食無糖、無鹽、少油的烚菜，連肉及澱粉質食物忍口全戒，由於減食得太厲害，她出現血糖太低及體質變差的情況，現時要好好調理身體。
瞞工作人員畏水
Shay又謂在古巴10日行程中，最難忘是在著名的Varadero海灘險遇溺，嚇窒全體工作人員，她說和攝影師構思在海中心影輯相，當工作人員歡天喜地跳落水暢泳時，她跟住跳後就即發生意外：「我瞞住佢哋我係畏水，亦唔識游水，我諗住豁出去博一博，點知一落到水嗰刻我就好驚，立即捉實船邊怕沉落海，工作人員好耐先發現我有異樣先拖我上水，見我對腳流晒血。」原來Shay被船底的蠔殼𠝹損腳，因為船上冇急救藥設備，只可用礦泉水沖腳洗去血漬。
認真學游水
問Shay險遇溺時可有死神逼近的感覺？她表示：「嗰種恐懼好恐佈，心諗今次死梗，好在我有運動員底子，對手夠力死捉住船邊，否則後果嚴重。」當她上船後，發現雙腿全是血時，所有工作人員被嚇到鴉雀無聲。她又謂事後很後悔一時罔顧安全，令團體受驚，現回想當時的驚險情況，她仍有餘悸謂：「好驚險，事發至今，我對腳都仲留有疤痕，我都唔敢講畀阿媽知，或者我認真咁學吓游水。（咁當時咪影唔到靚相囉？）好在啲傷痕仲遮到，影唔到對腳花晒。」
想借種生B
Shay在古巴遇上不少靚人，寫集真中亦請了兩位俊男模特兒陪襯她，她說：「我哋有交換聯絡方法，佢哋都想嚟香港發展。」不過她不愛外籍男，相信難有發展機會，又謂雖然恨生個混血BB，可是她不太鍾意外籍男士，笑言或考慮借種生B，可是又怕媽媽會反對。
|
鍾意就快D Share啦！
|
|
|