熱爆娛樂: 開門利是得$3800　張名雅被唱爆 [壹週刊

2016年9月29日星期四

開門利是得$3800　張名雅被唱爆 [壹週刊 - 1386] __,張名雅,M1,

三十多對龍鳳鈪由手戴到上頸，贊助㗎？

娛樂偵訊

開門利是得$3800　張名雅被唱爆

在洲際酒店筵開 40席，高調嫁律師男友蔡錦豪的 12年港姐冠軍張名雅，婚宴上大晒鑽飾及三十多對龍鳳鈪，派頭十足，但老公接新娘的開門利是僅得 3800元，九個姊妹均分，每人唔夠 500元，搞到俾人勁唱！

虛有其表

在 facebook放婚紗相自爆婚訊的張名雅，今個月中同律師男友蔡錦豪 Joe在洲際酒店舉行婚宴，姊妹團包括何傲兒、陳庭欣、唐貝詩等共九人，但據了解，接新娘當日，新郎封了三千八百元開門利是，勁奀！

「講就講到好豪咁，班姊妹攞到封利是見厚疊疊，以為好重手，點知打開全部一百蚊紙，數埋得三千八，九個姊妹分，每個得四百幾，大家都冇諗過，新郎會出手咁低！」一名無綫人說。

婚禮要大搞，張名雅狂發喜帖請高層及一班港姐，但偏偏冇請同屆的朱千雪，因而鬧出是非，冇份的朱千雪自圓其說：「可能唔夠位，人家有權請邊啲人出席。」但張名雅再加多腳：「唔關位多少問題，好朋友一定預位嘅！」

雖然話「生生發發」好意頭啫，但九位姊妹分 3800元，係咪少咗啲。

八月初，張名雅在 fb放上同男友 Joe的婚紗照自爆婚訊。

婚宴後，張名雅在 fb貼相，表示掛住招呼客人，自己冇啖好食！

唔紅唔請

據張名雅身邊人所指，發帖準則與是否友好無關，只是唔紅唔請。

在《城寨英雄》中，與新娘演好姊妹的阮兒、陳芷尤及周麗欣，一律冇份，反而一班唔多熟的大牌，包括陳凱琳、蔡思貝、胡定欣，甚至袁偉豪，全部收到帖。

「就算唔熟嘅，佢都照派帖，好似黃心穎、湯洛雯同佢根本冇乜兩句，但都照請，除咗收禮，當然係想搞到自己個婚禮星光熠熠咁啦；但係你請人，人哋都未必俾面到，港姐都係得岑杏賢、陳潔玲、劉倩婷嚟咗！」知情者說。