想請教展鵬咩係古法溝女多啲喎。
藝人陳展鵬出席無綫新劇《同盟》的開鏡儀式，被指以「古法」溝胡定欣的他，在儀式上被監製文偉鴻將緋聞擺上枱謂：「你講吓你嗰啲係咩古法呀？」展鵬聞言，即笑指只懂古法中醫。
自認怪人
展鵬受訪時笑謂：「好彩佢唔係講古法乜乜，唔係就瀨嘢」他否認追定欣傳聞，至於見到定欣可會尷尬？他說：「唔會啦，我都有經驗㗎啦，好開心《城寨英雄》渲染力延續到《同盟》，大家都覺得我哋一對！」談到有指他為了保護戀情而刻意與定欣保持距離，他說：「我性格怪你哋都知㗎啦，有時諗嘢就會孤立自己，有時工作就會咁！但我哋關係冇事嘅！」又指與定欣合作過，有工作默契。
與定欣有親熱戲
至於二人可有因《城寨英雄》受歡迎而多了工作？他謂二人有齊齊出騷，亦有去過登台。他透露《同盟》已開工四，五天，直言多動作戲，更爆料指與定欣有親熱戲，他說：「嗰啲親熱戲係好埋身嘅動作戲，玩柔道。（驚會掂到定欣？）我唔驚呀，大家都係專業演員，我哋多鬥戲嘅，劇入面好動同玩得，定欣就做保鏢！」
來源 source: http://hk.on.cc
|
鍾意就快D Share啦！
|
|
|