2016年9月9日 星期五

【爆選美內幕!】45歲梁佩瑚 爆27年前陳法蓉係大話精仲扮委屈 __,梁佩瑚,選美,陳法蓉,

【短片】【爆選美內幕!】45歲梁佩瑚爆27年前陳法蓉係大話精仲扮委屈2016-09-0819:59:00HKT梁佩瑚話陳法蓉被保母質疑影封面,見到佢激動扮委屈!梁佩瑚自認當年選美操行麻麻!楊玉梅喺選美嗰陣見過佳麗出招!梁佩瑚喺有線節目大爆當年選美黑幕,矛頭直指陳法蓉!選美年年有,年年選美都話有黑幕,贏咗同輸咗都會有嘢講,現年45歲、1989年港姐季軍嘅梁佩瑚,日前接受有線訪問,亦都大爆當年選美黑幕 ...


【短片】【爆選美內幕!】45歲梁佩瑚 爆27年前陳法蓉係大話精仲扮委屈

2016-09-08 19:59:00 HKT



梁佩瑚話陳法蓉被保母質疑影封面,見到佢激動扮委屈!



梁佩瑚自認當年選美操行麻麻!



楊玉梅喺選美嗰陣見過佳麗出招!



梁佩瑚喺有線節目大爆當年選美黑幕,矛頭直指陳法蓉!







選美年年有,年年選美都話有黑幕,贏咗同輸咗都會有嘢講,現年45歲、1989年港姐季軍嘅梁佩瑚,日前接受有線訪問,亦都大爆當年選美黑幕,矛頭直指同屆冠軍、現年49歲嘅陳法蓉!

梁佩瑚日前喺有線節目訪問,講到當年選美嘅事,佢話嗰陣選美啲規矩好嚴厲,唔容許佳麗私下接受傳媒訪問,但係一次經歷,令佢眼界大開,佢話:「嗰陣有周刊搵咗我影封面,我唔敢應承,不過對方游說我話陳法蓉都拍咗,我話無可能,點知後來真係見到佢做封面!」

梁佩瑚續謂,過咗冇耐,有保母拎住本周刊,向陳法蓉大興問罪之師,問佢點解偷雞影cover;陳法蓉自辯話係參選前為模特兒公司影嘅舊相,仲好委屈咁激動落淚。

梁佩瑚喺有線節目中憶述此事,笑笑口話:「點知俾我哋發現佢崩咗嘅手指甲,同佢喺所謂『舊相』上嘅指甲一樣咁崩囉,估唔到可以咁複雜!」之後保母手上有一本操行薄,用嚟記錄佳麗啲操行,俾評判查閱,梁佩瑚自爆:「我認我啲操行麻麻,保母話我唔專心,成日匿喺廁所同男朋友講電話!」

唔止港姐有操行薄,亞姐亦有呢啲嘢,喺內地做嘢嘅楊玉梅,講到當年參選嘅事,佢話:「同我同屆參選既有吳綺莉,施綺蓮,陳寶蓮等,我哋嗰屆好精采!有佳麗用較剪剪爛其他佳麗啲衫,等佢哋出唔到場,又有人倒痕粉落人哋件衫度,等佢當眾出醜,仲有人打交,真係大開眼界!」


鍾意就快D Share啦!
Related Posts Plugin for WordPress, Blogger...