掃呢頁CODE去手機

2016年9月9日 星期五

【多圖】索爆姊妹團送張名雅出嫁 律師老公輕鬆抱得美人歸 __,張名雅,

恭喜!恭喜!今日係張名雅同律師男友Joe結婚嘅好日子,一對新人今晚會喺尖沙嘴洲際酒店筵開三十多席婚宴,預計喺下晝5點左右,接受傳媒訪問。今朝一早,一班兄弟團去咗酒店接新娘,姊妹團之一嘅陳庭欣,喺ig擺咗一張9個伴娘姊妹團嘅合照,仲留言話:「我哋九個係一起陪嫁的伴娘,恭喜晒,全宇宙最靚嘅新娘子張名雅!」伴娘姊妹團之一嘅何傲兒,亦都有喺fb貼相兼留言:「人做新娘我做姊妹,居然興奮到訓唔著!行程緊湊!整 ...


恭喜!恭喜!今日係張名雅同律師男友Joe結婚嘅好日子,一對新人今晚會喺尖沙嘴洲際酒店筵開三十多席婚宴,預計喺下晝5點左右,接受傳媒訪問。今朝一早,一班兄弟團去咗酒店接新娘,姊妹團之一嘅陳庭欣,喺ig擺咗一張9個伴娘姊妹團嘅合照,仲留言話:「我哋九個係一起陪嫁的伴娘,恭喜晒,全宇宙最靚嘅新娘子 張名雅!」伴娘姊妹團之一嘅何傲兒,亦都有喺fb貼相兼留言:「人做新娘我做姊妹,居然興奮到訓唔著!行程緊湊! 整裝待發!Here we go! Congratulations to the stunning sweet bride Carat!」聽講新娘子張名雅事前同咗啲伴娘姊妹團講,要錫住老公,唔可以玩核突嘢,所以朝早接新娘啲遊戲都比較簡單,唐貝詩透過wechat接受《蘋果》訪問,佢話:「好好玩,好開心,今朝5點起身,6點到,一齊玩遊戲,玩新郎好笑,懲罰好搞笑,答錯問題,兄弟要孭住新郎行石春路,兄弟又要一齊飲兩樽黐埋嘅益力多,好基咁,兄弟有罰食wasabi同要着比堅尼。新郎接新娘下跪獻花,名雅有眼濕濕,我見到都好感動。」何傲兒話今次仲出私伙提供bikini,之後又話:「場面好感動, 特別係女方父母將對名雅交比男方嘅時候!玩兄弟嗌到聲沙,不過唔知係啲問題太易,新郎Joe喺問答環節實在一啲都難唔到佢,佢真係好了解新娘。」

9個伴娘姊妹團陪張名雅出嫁! 唐貝詩(左起)、何傲兒同陳庭欣見到好姊妹出嫁,覺得好感動!
伴娘姊妹團預備咗啲接新娘遊戲俾新郎哥!

鍾意就快D Share啦!