2016年9月9日 星期五

【不斷更新】iReserve忽然開通 有7 Plus但無亮黑色 __,

7:09p.m.收到消息iReserve忽然開通,有大機,貨都暫時唔少,不過無亮黑色,鐘意其他色嘅真用家當然可以隨心留機,炒家就要諗清楚了。5:40p.m.iPhone7Plus全線無貨,iPhone7除亮黑色外都有貨,11月有機。再想買機,就要等到9月17日朝早8點iReserve開啟,不過到底有幾多機,有邊款機,都係未知數。4:29p.m.先達Lo哥話今次亮黑色iPhone7Plus貨量少,本 ...




其他影片:>>






7:09 p.m.

收到消息iReserve忽然開通,有大機,貨都暫時唔少,不過無亮黑色,鐘意其他色嘅真用家當然可以隨心留機,炒家就要諗清楚了。5:40 p.m.

iPhone 7 Plus全線無貨,iPhone 7除亮黑色外都有貨,11月有機。再想買機,就要等到9月17日朝早8點iReserve開啟,不過到底有幾多機,有邊款機,都係未知數。4:29 p.m.

先達Lo哥話今次亮黑色iPhone 7 Plus貨量少,本來預期回收價一部收多兩千,但現在重新估計,價錢除時再升。不過另外又有內地方面來的消息,無論大細機都貨源充足,各位果農要小心為上。3:44 p.m.

先達店主們議論紛紛,話今年開賣情況同上年6s好相似,都係頭5分鐘極難入到Apple Store,估計係有莊家用bot搶購大量貨。等到11月變數太多,好多先達店主都寧願cut單,靜觀其變。3:31 p.m.

先達有位店主3:05 p.m.按到機,系統表示10月先有機,過了3:08 p.m.,就全部11月先有機。果籽記者Ivy 3:04 p.m.按到,就22/9-29/9有機。3:17 p.m.

亮黑128GB同256GB iPhone 7 Plus都已經無完,其他顏色暫時睇都貨量充足,不過好多先達店主都話其他色唔係重點,真用家可以放心,慢慢揀。3:08 p.m.

先達各店主都陸續買到iPhone 7 Plus,但好多都寫明11月先收到貨,有店主表示11月先到部機丟咗佢算!果籽記者Ivy都神速訂到一部亮黑256GB,而且一至兩星期內就會收到貨。3:03 p.m.

公司電腦鍵盤個F5就已經就來按爆,不過都仲係未見到任何動靜,Apple遲到喎!2:50 p.m.

Apple今次真係爽手,兩日前發佈會,今日iPhone就開賣。同前幾年一樣,現在Apple Store暫時關閉,大家等等就準備瘋狂更新頁面。買邊款機最好?如果有睇果籽報導,Lo哥就推介iPhone 7 Plus,黑色和亮黑色,容量就選256GB。另外,親身排隊人士去邊好?高登會員「追追不到」就話沙田最新開,條數又唔算好,所以應該最多貨,真唔真就自己諗。我們會在此為大家不斷更新最新iPhone消息,記得留意。記者:李聰

iReserve忽然開通,大家要小心留意。 買到,都要睇睇幾時收到貨。 Lo哥話今次亮黑色iPhone 7 Plus非常少貨,回收價可能會提高。

鍾意就快D Share啦!