莊思明（右圖右）話佢相信如果楊明去度蜜月，都只係會同佢去。
無綫藝人楊明同龔嘉欣以前都曾經傳過緋聞，不過佢哋一直話大家係「兄弟」情，日前佢哋孖住出埠撞正記者，當時龔嘉欣突然好緊張咁爆咗句：「唔好話我哋度蜜月呀！」聽落其實幾無厘頭㗎！
Fans叫嘉欣搶楊明
事後，有Fans就話佢兩個好襯，叫嘉欣喺莊思明（楊明女友）手中搶楊明，不過亦有Fans覺得嘉欣擺明係博宣傳，搵嚟搞。不過嘉欣呢次向思明「挑機」，問到思明有冇嬲？佢就話：「我知道佢出埠，唔止佢兩個，仲有其他人，佢一半工作一半私事，私事係乜唔方便講，同埋我相信如果楊明去度蜜月，都只係會同我去！」
嘩！「正印」果然口氣唔同，霸氣十足。問思明會唔會覺得嘉欣向佢「挑機」，佢就透露平時見到嘉欣都有傾偈，亦唔覺得嘉欣向佢挑戰，只係一啲瘋狂Fans睇電視劇睇得太投入啫！
來源 source: http://hk.on.cc
|
鍾意就快D Share啦！
|
|
|