網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月18日 星期日

創富:睇財金界玩facebook 仲教你點搵銀! __,

臉書(facebook)造就唔少網紅,部分人嘅人氣分分鐘勁過明星添﹗查實,財金界分析投資產品就睇得多,但大家又有冇留意過佢哋嘅臉書呢?孖妹本住「至八」精神,平時Look盡全行臉書,發現佢哋除咗專業之外,私底吓仲玩得又賺到,不如就搵呢班金融人分享吓佢哋鮮為人知嘅另一面,仲有個人搵銀秘技?-----------葉:基金公司ETF業務拓展高級副總裁 葉浩文(Kirk)●練好體魄征戰股場彩兒:平時喺臉書已 ...




其他影片:>>






臉書(facebook)造就唔少網紅,部分人嘅人氣分分鐘勁過明星添﹗查實,財金界分析投資產品就睇得多,但大家又有冇留意過佢哋嘅臉書呢?孖妹本住「至八」精神,平時Look盡全行臉書,發現佢哋除咗專業之外,私底吓仲玩得又賺到,不如就搵呢班金融人分享吓佢哋鮮為人知嘅另一面,仲有個人搵銀秘技?

-----------

葉:基金公司ETF業務拓展高級副總裁 葉浩文(Kirk)

●練好體魄征戰股場

彩兒:平時喺臉書已經睇到你勁多News feed,呃唔少Like,睇嚟中晒臉書毒……今年七月仲開埋個人專頁添,你啲Chok相直情係洗我版﹗

葉:係?因為我除咗ETF(交易所買賣基金)嘅資訊之外,仲有好多個人嘢,例如係生活態度、興趣、做運動心得、平日所見所聞等同大家分享,例如有時我都會去唔同嘅品牌活動,擴闊社交圈子。近排去咗個設計師嘅婚紗CatWalk Show,我仲做咗次Live添。

Kitty:金融人出名忙,點解仲可以有咁多世藝?

葉:我Keep住一星期做4至5日運動,包括打兩、三日泰拳,跑4至5次步,每次5至10公里。工作係忙,所以惟有瞓少啲,六點就起身跑㗎喇,做運動除咗可以令自己有好體質應付工作之外,仲可以訓練個人紀律同毅力,都係金融工作所需。十月底我會參加10公里賽跑;今年尾都可能會參加拳賽。

●投資要兩金五股三債

彩:嘩,你仲要出鏡講投資Tips,一旦打傷咗,啲Fans咪好心痛?

葉:做足保護措施嘅,我最大鑊都係畀人打瘀咗隻眼啫,哈哈﹗其實今年市況波動,我由年頭起已經同投資者講,投資組合最好放兩成資金喺黃金、五成股票、三成債券去分散風險,呢個都係個人心水投資策略,用ETF分散風險同捕捉唔同市場機會,其中包括黃金ETF、A股ETF、亞洲債券ETF及美股ETF等,個人組合年內升值約10%。

葉:未來一年較看好港股同亞股市場,因為美股估值屢創新高,雖然英國經濟好轉,有加息機會,但亞洲區域喺估值方面吸引好多,顧及A股喺3,000點已經橫行一段時間,在區域中落後,而且參考歷史數據,A股一般喺第四季有唔錯走勢,所以唔少投資者都注視番A股。

---------------

黃:金利豐證券研究部執行董事 黃德几(Dickie)

●分享生活順便賣樓

Kitty:你個朵叫「財經界黎明」,一睇你臉書就知你係人氣王啦,Update同直播嘅頻密程度勁過唔少歌手,睇你臉書就可以知道股評界嘅最新動態呢排你竟然喺個人面書賣樓,真係好霸氣﹗

黃:嗱﹗我已經喺個Post講到明,係「自己樓自己放」、「不是轉行做地產經紀」,係個人將軍澳嘅個人物業,真係放盤即日已經有人問詳細資料,仲快過經紀啊。

彩兒:我仲睇到上星期三,你直播國農證券董事總經理林家亨因為轉新工而請食飯,仲大爆佢投資賺大錢添。我深深覺得,有直播,真係冇秘密。

●內資利好 十月風險增

黃:(哈哈!)其實我係一個好有表演欲嘅人,好鍾意分享平日見到嘅人、事、物,同埋去嘅地方等等。比着係10年前,一個股評人係寫專欄、去電台同電視台節目面對公眾,但咁樣係唔立體嘅,我嘅興趣好多元化,好開心依家有社交平台畀我分享,如果係平時有留意我嘅人,就可以知得更深入。

黃:不過我好少拍片講投資嘢,有時做咗《東網Money18》訪問,就會直接貼條Link上面書就算。大市九月上旬升到約24,300點後開始回吐,主因已全面反映內地險資入市嘅利好因素,現時到十月為止不明朗因素漸增,好似地緣政治風險,而受美國總統大選影響,或需等年尾先有機會加息。另外人民幣十月一日正式納入SDR,人行短期內都唔會減息降準,但發生黑天鵝事件機會提高,似乎仍有調整空間,買貨又未夠平,暫時應該觀望住先。

-----------------

●睇靚女調劑身心

齋睇數字睇到悶,想睇靚女,不妨可以睇吓靚女輪商代表或者女股評人面書。

*****華金研究(國際)研究總監陳鳳珠(Ellie)*****

Ellie臉書有唔少同卡通人物公仔嘅合相,睇到佢專業以外可愛嘅一面,佢上個月生日,黃德几請佢食Lunch之餘,仲有禮物收,呢啲真係女生嘅福利,大家唔恨得咁多。

--------------------

●勤力股友做功課

若然係勤力股友,對財金資訊極度渴求嘅話,當然就要留意經常上載股經嘅財金專家臉書啦。

*****銀河證券業務發展董事羅尚沛(Eugene)*****

*****信誠證券聯席董事張智威(Alvin)*****

Eugene同Alvin勤力到爆炸,基本上日日都會喺面書講股評或市場資訊,Follow佢哋臉書就唔會執輸啦。

---------------------

●財子講金又講心

希望喺股票以外,同股評家交心,或者應該睇佢……

*****京華山一研究部彭偉新(Castor)*****

Castor選股叻,你同我都知,但你見過佢深情一面未?最近佢就Share咗邰正宵嘅舊歌歌詞,完全睇到佢感性嘅一面。

--------------------

「東網Money18」全新功能「板塊追蹤」,助你分析抓緊投資先機

http://money18.on.cc/info/liveinfo_industry.html

「致富智庫」領悟理財/職場智慧,一Click改變一世

http://money18.on.cc/wealth


來源 source: http://hk.on.cc
鍾意就快D Share啦!