吳若希（Jinny）同澳門闊少Alex由拍拖到分手都一直被高度關注，回復單身嘅Jinny，上個月突然喺社交網站話要休息，但係喺呢個消息公佈嘅前夕，有媽咪級網民喺「Baby Kingdom」嘅討論區，留言話有一個女歌手有咗，仲話佢將休息一段時間生仔，結果唔少人猜測呢個女歌手就係Jinny。事後有知情人士否認呢件事，仲話Jinny好信風水，師傅話佢要18年先可以結婚，所以佢又點會俾自己大肚。跟住仲話Jinny豪擲900幾萬買入何文田新盤何文田山畔細單位，不過知情人士話啲錢係Jinny自己錢，一毫子都無用過男友！(新聞連結：http://bit.ly/2fjUe8j)不過呢件事冇因為咁而平息，噚日仲有報道話Jinny有咗4個月，結果Jinny夜晚喺fb貼新相兼開腔回應，佢話：「Well~有咗3個月會通知大家~結婚通知大家~應承你﹗留意吳若希官方認證facebook﹑instagram﹑微博。」之後仲玩hashtag：「#放個假都咁辛苦 #我嚟緊開舖 #獨家話你聽 #多多幫襯 3層樓真係我自己儲錢買 #百零萬首期 #都畀得起嘅 #細單位 #放租2萬可唔可以幫我搵租客 #仲有畀個地產跣鑊甘。」唔知係咪傳聞越傳越勁，連網絡紅人King Jer亦都開po講呢件事，Jinny仲親自走入去留言：「嬲豬～ 我無收過千萬豪宅～～」結果又惹嚟網民討論，有人話佢冇否認有咗，即係未夠三個月，Baby Kingdom亦都有媽咪網民再開post，有人恭喜佢陀b，亦都有人叫佢專心返屋企湊b！
|
鍾意就快D Share啦！
|
|
|
