熱爆娛樂: 【獨家】有老爺撐腰洗米嫂36歲牛一洗米華人到花到箍煲 _

2016年11月3日星期四

【獨家】有老爺撐腰洗米嫂36歲牛一洗米華人到花到箍煲 __,洗米華,陳慧玲,洗米嫂,周焯華,

其他影片：>>

好似有一排唔見Mandy Lieu，佢應該係喺英國專心湊B，得閒又同洗米華(周焯華)四處玩，好不風騷。至於洗米嫂陳慧玲(Heidi)，除咗打理自己生意之外，就係照顧家人同小朋友。噚日係Heidi嘅36歲生日，特地於澳門巴黎人艾菲爾鐵塔開生日P。身穿Adidas風衣、直條恤衫，戴運動帽嘅老爺，叉住條腰同新抱(前？)影合照，洗米嫂同老爺仲擺番同一樣嘅pose，又伸手攬住老爺，相當神氣。呢張「老爺撐新抱」，好有愛。是夜周柏豪同洗米嫂囡囡一齊賀壽星女———唔係嗰個周柏豪。至於洗米華呢，當然有出席，據知情者言，依家洗米華仍然未死心，想氹番老婆回頭；而且周家上下都視Heidi為親生女一樣，新抱地位從未動搖。所以呢，洗米華即送上花語代表「永恆之美和美麗」嘅繡球花，送俾太太，人當然都有到，仲一家人齊齊整整影番張全家福添。不過知情者補充，Heidi心已死，洗米華依家對佢嚟講，係親人一樣關係……總之……你懂的。講開又講…早排(9月)Heidi出席活動嗰陣，唔止變靚啲，仲裡外外濃濃散發著「少女氣息」；呢排睇番Heidi嘅樣子，又變番之前成熟look散發女人味。化妝，真係咁神奇……