掃呢頁CODE去手機

2016年11月3日 星期四

上海搞掂 收服花心四太仔 有米 CoCo當何猷君係狗 [壹週刊 - 1391] __,猷君,梁安琪,四太,何猷君,M1,

娛頭上海搞掂 收服花心四太仔 有米CoCo當何猷君係狗賭王三、四房幾個仔,個個廿歲出頭,均是城中超級鑽石盤,當中讀書叻又靚仔的四太仔何猷君,更加是少女至愛。去年尾同新加坡變樣孖妹Yumi分手後,今年初已極速搭上新加坡富二代Kimmy,隔咗幾個月,身邊又換上混血新歡。上畫落畫速度快過搭火箭,何猷君最近又換畫。新歡是先後同過周志文、向佐拍拖的有米𡃁模CoCo袁紫僑(前名袁聖殷)。猷君廿四孝陪shopp ...


娛頭

上海搞掂 收服花心四太仔 有米 CoCo當何猷君係狗

賭王三、四房幾個仔,個個廿歲出頭,均是城中超級鑽石盤,當中讀書叻又靚仔的四太仔何猷君,更加是少女至愛。去年尾同新加坡變樣孖妹 Yumi分手後,今年初已極速搭上新加坡富二代 Kimmy,隔咗幾個月,身邊又換上混血新歡。

上畫落畫速度快過搭火箭,何猷君最近又換畫。新歡是先後同過周志文、向佐拍拖的有米𡃁模 CoCo袁紫僑(前名袁聖殷)。猷君廿四孝陪 shopping又山長水遠走去迪士尼買氣球接女友機,被當成公主的 CoCo亢奮到在網上暱稱男友做「我的狗」,意氣風發。

一撻即着

猷君拍拖從來唔偷偷摸摸,早前他便孖住新歡 CoCo到 PP shopping。

年僅二十一歲破紀錄成為最年輕考入美國麻省理工( MIT)金融碩士課程的何猷君,讀書叻爆,屋企有錢又靚仔,絕對是「人生勝利組」典範。

各種條件俱佳,戀情方面,自然精彩!拍拖經驗豐富的猷君,今年中先同混血女打得火熱,但轉個頭,身邊人已經換上有米𡃁模 CoCo袁紫僑。

據了解,二人是上海一個朋友聚會中認識,向來冧仔冇手軟的 CoCo,兩三下招數已經將花弗何猷君收服裙下。

「 CoCo好識冧仔,睇中嘅 target,基本上都走唔出佢五指山;加上 CoCo自己屋企都有錢,身邊好多朋友都係富二代,同 Mario(何猷君)有好多共同朋友,早排 CoCo喺上海拍劇,就响朋友活動識咗 Mario。第一次見面, Mario已經俾 CoCo電到暈得一陣陣,兩個一拍即合, Mario好快就帶埋 CoCo去自己啲 friend嘅 gathering!」知情者說。

猷君帶埋女友去上海出席朋友聚會, CoCo已成功融入他的朋友圈。

萬聖節當日,二人打扮成「情侶角色」去海洋公園,連「哎吔家姐」超蓮都驚訝留言話:"What?!!"

當街調情

上星期日(十月二十三日),猷君又做跟得男友,陪實 CoCo行太古廣場 shopping,見 CoCo在頭飾店試戴頭箍不停對鏡做出可愛表情,猷君情不自禁,幾度輕撫女友秀髮, sweet爆!

CoCo揀頭飾揀足半粒鐘,猷君全程沒有半點不耐煩,一直在旁守候,俾錢期間,二人又唔避忌當住店員面前貼頭攬腰咬耳仔, CoCo更主動捉住猷君的手臂狂掃,搞到猷君㷫烚烚,伸手入女友衫內,在腰間摸來摸去。

眾目睽睽,猷君照攬住女友面貼面。

猷君主動幫女友拎三大袋戰利品上車,而 CoCo就恍如女王般在車上玩電話。

花式冧女招

CoCo經常飛上海拍劇,男友猷君專登入迪士尼買大束氣球接機俾驚喜, CoCo亢奮笑稱男友係「狗」。

拍拖短短兩個月, CoCo已經公然在 IG放閃宣示主權,除了晒二人孖住去 party的相片外,又開心 share男友送的心思禮物, CoCo更形容自己同猷君是「童話故事入邊嘅公主同小王子,從此快樂生活在一起」,對俯首稱臣的猷君,她會過度興奮地稱男友係自己隻狗。

「 CoCo唔知俾咗啲咩迷藥 Mario食,搞到佢貼貼服服!猷君會花好多心思氹 CoCo,例如專登撲去迪士尼買一大束氣球去接女友機,搞到 CoCo鬼咁開心!」知情者說。

疑神疑鬼

現為組合「少女標本」成員的袁紫僑 CoCo,生得省鏡,家底亦唔錯。因為曾經同巨聲周志文拍拖而為人熟悉,不過大孖花心,竟背住女友偷嗒馬賽同其他女仔,俾 CoCo發現後二人分手收場。

之後, CoCo同向華強大仔向佐拍拖,但同樣因為男方花心而分手。

「 CoCo成日同身邊啲 friend訴苦,話自己簡直係悲劇女主角,啲男朋友都係衰偷食,好似向佐咁, CoCo以為對方一心一意,點知原來仲有個大陸女星王秋紫!其實今次同猷君拍拖, CoCo都成日疑神疑鬼,對男友 check到實。」知情者說。

猷君同新加坡組合 By2細孖 Yumi拍拖,一年貨仔玩完。

去年尾飛 Yumi,今年初已戀上新加坡富商女兒 Kimmy Lim,但異地戀難 keep。

已有個內地女友王秋紫的向佐暗交 CoCo,懵盛盛做了小三的她,之後為爭仔常與情敵隔空過招。

CoCo同過巨聲幫大孖周志文拍拖,不過男友衰花心,最終分手收場。

作為賭王之後,何猷君同大佬猷亨同樣女性緣旺。

自細已被封「數學天才」的猷君, 21歲破紀錄成為史上最年輕考入麻省金融碩士課程的學生。

一個接一個

年僅 21歲的四太仔何猷君,讀書叻又有家底,被封富二代極筍盤,有優勢,身邊從不缺女,一個去,一個來,從無冷場。

初戀 Francesca

12年,猷君第一次拍拖,在英國戀上西班牙、中國加威爾斯混血兒 Francesca,他公開讚女友又靚又叻,精通英文、法文、德文、西班牙及菲律賓語多國語言,二人關係維持了兩年幾。

By2細孖 Yumi

14年搭上新加坡女子組合 By2成員白瑋玲( Yumi),二人於美國進修短期課程認識並發展姊弟戀,猷君對 Yumi情有獨鍾,即使女方被指是再造人及多次向傳媒放料,他依然不離不棄,更一度傳出婚訊。

富二代 Kimmy

今年初,與新加坡富商,西甲華倫西亞班主林榮福大女 Kimmy Lim撻着,二人愛得高調,澳門、新加坡兩地密密見,又經常於 ig貼出親密照放閃,猷君更發表肉麻宣言,封女友為「 Princess Kimmy」,但王子同公主短短四個月就散。

混血女

今年 6月,猷君被拍到拖住新歡混血女行超市掃零食,其間又攬又錫,猷君更扮鬼臉氹女友,旁若無人。

命中注定

家住貝沙灣的有米𡃁模袁紫僑,有樣有身材,但身邊男伴個個都一腳踏兩船,命中注定與花心男有緣。

周志文

12年,被爆與《巨聲幫》大孖周志文拍拖,衣食住行由 CoCo包辦,其後有傳馬賽介入,又暗暗搭上姣花蔡思貝, CoCo最終決定斬纜。去年,有傳周志文因為經濟問題,搵機會想同前度復合。

向佐

14年向佐與 Race分手後,有傳他同時間一拖二,除了有米 CoCo,還有個西安演員兼離婚人母王秋紫,為擊退情敵, CoCo頻頻於社交網晒與向佐愛貓合照,宣示主權。

撰文、攝影、攝錄:娛樂組


鍾意就快D Share啦!