掃呢頁CODE去手機

2016年11月3日 星期四

4歲叉燒包  KO黃貫中 [壹週刊 - 1391] __,黃貫中,M1,

俾同齡高大的叉燒包活潑可愛,跟父母出街又唔多扭計,難怪朱茵阿Paul錫到佢燶。娛樂偵訊4歲叉燒包 KO黃貫中52歲的黃貫中,性格一向火爆,身邊唯朱茵獨專,有撲火功效,近年救火隊新增一個成員:4歲的叉燒包(黃鶯)。早前一個週末傍晚,黃貫中一家三口現身西貢食海鮮,等位期間,兩公婆在餐廳對出的空地陪叉燒包玩番梘泡解悶,虎爸Paul對心形眼,時刻追踪住囡囡。囡囡是爸爸的前世情人,阿Paul同叉燒包最佳示範 ...


俾同齡高大的叉燒包活潑可愛,跟父母出街又唔多扭計,難怪朱茵阿 Paul錫到佢燶。

娛樂偵訊

4歲叉燒包  KO黃貫中

52歲的黃貫中,性格一向火爆,身邊唯朱茵獨專,有撲火功效,近年救火隊新增一個成員: 4歲的叉燒包(黃鶯)。

早前一個週末傍晚,黃貫中一家三口現身西貢食海鮮,等位期間,兩公婆在餐廳對出的空地陪叉燒包玩番梘泡解悶,虎爸 Paul對心形眼,時刻追踪住囡囡。囡囡是爸爸的前世情人,阿 Paul同叉燒包最佳示範。

大開眼界

黃貫中平日說話似維園阿伯,但話題只要涉及寶貝女,他便會變成另一個人。今年父親節,阿 Paul就因為同老婆爭寵,打爛醋埕。「乜呢個世界有父親節?唔係淨係得母親節咩?點只酸,係澀!不過個女都有畫咭俾我,見到都會感動。」阿 Paul說。

叉燒包和朱茵生日只差兩天、上月尾兩母女連環慶祝,日前又舉家外出搵食,朱茵和外傭姐姐推住坐「車車」的叉燒包,由西貢碼頭行去附近的海鮮酒樓,會合提早去到等位的阿 Paul,一見到個心肝定,阿 Paul即急不及待拖住叉燒包,行去酒樓的魚缸睇魚,兩父女指指點點,四歲人仔望住魚缸不停發問,阿 Paul極有耐心,逐樣答。

一度走開的朱茵,之後拎住番梘泡泡裝備,又指使阿 Paul同囡囡到附近的空地玩。阿 Paul先示範如何拉出番梘泡,在旁邊的叉燒包扎扎跳跟着跑,極為興奮。之後叉燒包試玩,阿 Paul緊隨着囡囡的身影,一臉滿足。

朱茵阿 Paul完全不理旁人目光,只專注陪囡囡玩番梘泡泡。

兩父女於魚缸面前指指點點,叉燒包對游來游去的大魚好有興趣。

性格火爆的阿 Paul,對住叉燒包完全另一個樣。

朱茵至權威

因為週末,西貢一街人,對途人眼望望,阿 Paul視若無睹,全心陶醉於父女的二人世界。冇誇張,火爆 Paul竟露甜到漏的表情,大開眼界!兩父女又玩又笑,原本撥着扇在旁觀戰的朱茵,亦忍唔住落場,陪叉燒包跑住玩泡泡,又不時從後撥涼降溫,超級廿四孝。

終於等到位,阿 Paul收起寬容收拾裝備,但叉燒包唔理繼續玩多十分鐘,直至朱茵開口落令,只係講咗一句,叉燒包冇扭計,自動波行入餐廳。阿 Paul幾火爆都好,管家教女,都係朱茵惡晒!

陪叉燒包跑住玩番梘泡泡,朱茵緊貼撥扇照顧周到。

囡囡玩到不停笑,被感染的朱茵落場玩埋一份。

比女兒遲兩天生日的朱茵,上月 45歲牛一,於微博放閃。

上月阿 Paul為四歲叉燒包於主題公園開生日會。

撰文、攝影、攝錄:娛樂組


鍾意就快D Share啦!