希望黎淑賢遲啲都可以開到慈善畫展。
前亞姐黎淑賢（Bonnie）出席慈善畫展活動，未有與美容醫生老公許智政同來的她，表示今天是女孩子的約會，專程來為好友張寶華籌辦的畫展撐場，亦希望跟對方取經舉行慈善畫展：「我自己都有畫畫，佢（張寶華）今次同惜食堂合作係善事，我以佢為目標，我個倉有超過50、60幅連埋畫架嘅畫，都想有個機會做善事。（有冇舉行過展覽？）冇呀，係我自己有興趣畫，每個星期畫5、6個鐘，我有信心係因為啲途人行過會問我賣唔賣。（你喺街畫？）係呀，銅鑼灣有間畫室。」又謂自己主要畫塑膠彩的抽象畫，主題圍繞心心及天空。
唔敢開刀整容
問到是否有找老公幫忙令自己長期保持漂亮？她說：「佢功勞好大，不過我呢排瘦咗，因為小朋友轉咗學校，我都要重新適應環境。（老公用咩方法幫你變靚啲？）當然係佢嘅專業啦，我冇乜特別整，但我好勤力，一日做3、4次面膜，好似食藥咁，唔可以懶。（有冇微調？）唔知算唔算，我覺得打botox好普通，好似搽護膚品咁，botox我會打。最近我有做埋線，啲人覺得埋咁多線喺塊面度好恐怖，但我唔覺恐怖同唔覺得痛，我老公一路做見我冇反應都問我痛唔痛，我話唔痛，佢話我變態嘅，我忍受能力比較高。」又謂認為做美容微調不需隱瞞，但揚言開刀整容就不敢嘗試：「有風險，開刀就想隆胸啦。（你唔使掛？）生咗4個始終唔同啲。（依家點補救？）做運動，以前返工，做到喊，好辛苦，唔食嘢又唔得，希望可以減低地深吸力。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|