90後買樓一定要「靠父幹」？其實未必，今年才20多歲的Ashley，陳雁萍，就完美演繹了「自己間樓自己買」。她坦言，一出糧除了「畀家用」，就將收入儲起9成，努力工作幾年之後，加上股票「生生性性」，22歲就買樓做業主，比起許多仍在儲首期的90後、甚至80後，Ashley的上車經歷，絕對令人葡萄又自愧。
究竟Ashley有什麼上車秘密？在中原地產西半山蔚然分行擔任客戶經理的她說，90後已經「唔細喇」，許多已經在社會工作、甚至有所成就，「自己唔係幾好意思講咩上車心得」，只能說自己分享上車經歷。
她由入行做地產代理開始，「除咗家用，佣金會儲起9成」，大部分儲蓄用來投資股票。直至2015年初港股大升，趁升市賣出股票鎖定利潤。她慶幸「好彩沽咗，因為之後股市就開始跌，我就冇再入喇！」原來除了熟悉樓市，Ashley玩股票也頭頭是道。
股市大有斬獲的Ashley，同年11月份遇到上車目標，物業是香港仔的新樓盤，當時仍然是樓花，由於付款方式吸引，又覺得磚頭自住、收租皆可，所以決定「膽粗粗」一個後生女上車。「開頭因爲未出佣金，都有問屋企借少少，出咗佣金之後就還晒。」她補充，單位買入價360餘萬港元，前前後後費用超過100萬元。
該單位已在去年12月底收樓，適逢南港島線通車，12月份已經有租客以1.2萬餘元預租。單位出租後，她說「租金Cover到供樓及管理費」，所以都算輕鬆，現在目標是要努力搵錢，希望在25歲或之前，買第2層樓。
她表示，「我媽媽鍾意景觀開揚嘅單位，阿爸就要有露台，而細妹就想有會所，依家嘅目標係買個3房單位，一家人一齊住，預算大約700萬左右。」至於現時手持的單位，會用作長線收租。「十幾、二十年後等父母退咗休，畀佢哋收吓租。」常聽人說「天道酬勤」，Ashley年紀輕輕就做到業主，除了勤奮，孝順或者也是她受上天眷顧的原因......
|
鍾意就快D Share啦！
|
|
|