熱爆娛樂: 取代鍾嘉欣吳若希　簽星夢 Hana要守子宮 10年 [壹週刊

2017年1月19日星期四

取代鍾嘉欣吳若希　簽星夢 Hana要守子宮 10年 [壹週刊 - 1402] __,吳若希,鍾嘉欣,嘉欣,李嘉欣,M1,

Hana搵朋友陪去做婦科檢查。

娛樂偵訊

取代鍾嘉欣吳若希　簽星夢 Hana要守子宮 10年

去年出道的創作女歌手菊梓喬（ Hana），只是花了大半年時間，已經成功在各大頒獎禮中橫掃多個新人獎，新一年，她更得到星夢一紙合約，老闆何哲圖（ Herman）更講明讓 Hana接吳若希棒，點名力捧。

為免新寵再步同門的鍾嘉欣和吳若希生 B停工後塵，傳聞 Hana賣身契列明條款，嚴禁結婚生 B。早前本刊發現已年屆三張嘅 Hana去了佐敦一座醫務所林立的大廈睇婦科，有指她此行除了例檢，另一目的是了解「凍卵」手術資料，為 10年後生仔未雨綢繆。

禁結婚生 B

破格以三十歲之齡闖樂壇的菊梓喬（ Hana），身材無甚睇頭，但勝在樣子十足內地女星劉亦菲，加上唱得又彈得，去年出道火速成為宅男新一代女神。

踏入新一年， Hana正式泊碼頭加盟星夢娛樂。今個月七日，公司隆重其事為她舉行加盟記者會，獲星夢一眾師兄師姐包括鄭俊弘、許廷鏗等拍短片歡迎。

分屬同門的鍾嘉欣和吳若希分別為生 B停工，搞到老闆 Herman（何哲圖）冇晒符！雖然 Hana不如吳若希青春，但 Herman有意將她打造成另一個吳若希，務求紅歌又紅人；但首要條件，是要 Hana守住子宮，合約期內嚴禁結婚生 B。

已經三張的 Hana為錢途着想，但又怕將來做高齡產婦，惟有預先「凍卵」，為未來做媽咪作準備！

橫掃新人獎的 Hana，今年正式投星夢娛樂旗下，並獲老細何哲圖點名力捧。

Hana摸住肚同友人研究「凍卵」問題。

候診期間， Hana執了一堆婦科小冊子慢慢刨。

離開診所時， Hana表現得心事重重。

葉璇都凍卵

上週六（一月十四日）， Hana在尖沙咀出席完活動再會合友人行街醫肚後，再行去位於佐敦的嘉賓商業大廈，在大堂水牌看了一輪，便直上樓上一婦產科醫務所，等見醫生期間， Hana更與友人傾到有關「凍卵」的話題。

「識 Hana嘅朋友都知佢好鍾意小朋友，不過呢幾年係事業搏殺期，加上合約講明唔俾生 B，所以佢都唔諗住拍拖；但女人將來最終係要有個家，所以我哋提議佢考慮『凍卵』，聽講葉璇都做過兩次呢種手術，大家驚佢甩漏，仲介紹埋醫生俾佢。」 Hana身邊友人說。