大劉是 Hermès的 VVIP，坐擁千二個手袋，已故母親葉淑婉生前亦擁有三百個。
絕代梟雄
大收藏家 大劉掃 1200個 Hermès
眾所周知，巨富大劉鍾情 Hermès手袋，他身為此品牌的 VVIP，收藏之多足以令身邊的現任及過氣女伴：甘比與呂麗君，天天換款，屋企隨時比門市更齊貨。兩位女士相伴同一位男人多年，對手袋的款式、顏色及配襯卻各有執着，口味盡顯兩人性格之差異。點樣配襯及打理手袋，道出了甘比最終得寵成為劉太的原因。
平民百姓輪候公屋的時間以長見稱，平均超過四年；而闊太輪候 Hermès Birkin的 waiting list則是另類痛苦，以前至少等數年，近年還截龍，名副其實「有錢不是萬能」。不過，隊伍再長也難不到大劉，皆因他是 Hermès的 VVIP，據他自爆，已擁有 Hermès手袋接近千二個，總值數億元，當中以特別版及限量版最多，個個價值不菲。
收藏比門市更齊
手拎 Hermès最多之人，一定非甘比莫屬，「旗下」有近七百個 Hermès，曾被拍得掃了起碼兩、三袋包包，由多名職員幫她挽上房車。她擁有無數不同顏色的 Birkin，每個也是十萬元起跳，加上其他款式，隨時比門市更齊全。甘比便曾拿過一個鮮粉紅鱷魚皮鑽石 Birkin，同款手袋拍賣價，曾高達一百七十五萬港元！甘比對大劉的禮物，亦經常流露愛惜之情，試過陪完大劉去福臨門用餐離開，先放一條白毛巾在車上，才小心翼翼把鱷魚皮 Birkin放在上面。她更不時在手袋掛上各款可愛吊飾，如企鵝公仔、檸檬等，盡顯童心。大劉愛她不貪錢，但同時又將甘比打造成全港女首富，相信連甘比自己也意想不到。
與甘比相反，呂麗君鍾情鱷魚皮製的經典款，再於手袋上掛上極富貴氣的鑽石吊飾，兩人性格南轅北轍。去年大劉與呂麗君分手時曾激動說過：「我有收番任何一個包包就絕子絕孫。我買 Hermès用咗幾億，送俾呂麗君嘅 Hermès超過二百個。」有傳大劉女伴用過 Hermès後，要放回大劉的儲物櫃，不過他堅決否認。其實早年大劉不愛送 Hermès給女友，關之琳分手後說過：「我一個都沒收過，佢有送過俾我媽咪，當時我無興趣，好蠢。」時至今日，大劉對 Hermès的着迷程度，更擴展至其身上，其西裝和襯衣都出自 Hermès，由裁縫度身訂做，每套價值十多萬。
秀樺公主與秀盈公主
就連甘比女兒劉秀樺，在一歲半時已收到價值五萬元的 Hermès Kelly Doll。要論大劉對女兒的溺愛， Hermès只是小菜一碟。大劉繼大女秀融後，老來再得兩女，分外疼錫，近年分別狂買鑽石送給甘比女兒秀樺（ Josephine）及呂麗君女兒秀盈（ Zoe）。○九年 Josephine剛出世，就收到父親以七千四百萬元投得稀世藍鑽作大禮，命名為「 Star of Josephine」；六年後，大劉於瑞士日內瓦佳士得，以超過兩億港元投得一顆超過十六卡的罕有粉紅鑽「 The Sweet Josephine」，事隔一天再投另一顆罕有藍鑽石，命名為「 The Blue Moon of Josephine」，單單兩日就花了六億港元。而他回應巨額掃鑽，只是輕輕說句：「係我買嘅，買嚟送俾我個女。」
呂麗君雖與大劉分手，但他們的秀盈公主今年十四歲，一樣要乜有乜。兩年前，大劉用二億五千多萬元投得近十卡珍貴藍鑽給 Zoe，刷新藍鑽世界拍賣紀錄，命名為「 The Zoe Diamond」。同年他投得十卡紅寶石再送予愛女，命名為「 Zoe Red」。大劉大手筆但好均真，送禮俾呂麗君有齊記錄，還要她簽收作實，而送給女兒的同樣謹慎，表明要她們十八歲才能擁有。身為一代富豪的大劉，收藏又怎會只有手袋鑽石那麼簡單，當然還有不少富豪玩具，陪他上天下海，想知詳情，請留意下一期的《絕代梟雄》。
撰文：財經組
|
鍾意就快D Share啦！
|
|
|