44歲單親媽媽吳綺莉，於上周四再度與女兒卓林爭執，涉刑事恐嚇而接受警方調查。事件後卓林至今未有現身，期間有關母女的傳聞滿天飛，有指她能購入市值千五萬的大坑寓所，幕後推手是成龍兒子房祖名。而久未露面的卓林，今日突然在社交網站表示要出走香港。面對家事與傳聞，吳綺莉在晚間約七時二十分於葵芳召開記者會，並向傳媒解釋一切，又指向社工尋求協助，期間更強調購入大坑寓所的原因，是承繼了母親的遺產後買入，並非坊間所指，但回應到女兒的消息，壓力爆煲的吳綺莉即時淚如雨下。
社會福利署跟進
吳綺莉在好友和梁耀忠陪同下開記者會，梁強調希望社工介入：「23號事件前都去過社會福利署，要求去跟進個案，不過發現佢哋唔係咁緊密去聯繫，唔係事發後先再跟進，等到時遲咗，及早會好啲。母女問題係要盡快解決，期望可以再同社署聯絡，研究點樣提供更多聯系同支援，依家唔係有長久解決方法，希望社處提供方法長久解決。」此時，吳綺莉已眼濕濕。
好友對吳綺莉狀況表示關注：「一個月前原因知佢同女中間出現問題，情況係比較嚴重，需要好關注嘅情況，我打畀梁耀忠去聯絡社處，社工打畀我，問佢兩母女住邊，話之前住大埔，係另一組跟進，然後就中斷咗，冇再理，我認為最低限度要聯絡個細路，但冇人跟進，佢哋好似人球，等到個女再報警先有社工跟。」又指卓林有心結：「佢個女非常唔開心，我哋係一般人，搵唔到佢唔開心嘅源頭，可能成長階段加加埋埋有心結，佢媽媽（吳綺莉）自己一樣好唔開心，想搵專業社工幫忙個案，我喺呢度要就住佢（吳綺莉）嚟講，佢好脆弱，請大家高抬貴手，畀條生路佢行。」
每個媽媽都擔心自己細路
吳綺莉在好友鼓勵下終於開口：「屋企真係發生咗啲事，每一個媽媽都會擔心自己細路，唔好咁多無謂揣測，我自己做幕前，好多嘢被放到好大，希望大家畀空間我同小朋友，大家知我不嬲唔講嘢。」說畢，好友補充：「由細路出世之後，由頭到尾冇拎過一毫子，2015年件事後，佢畀電台解顧、冇工作、已經山窮水盡，我哋透過中間人聯絡，但冇得到生父援手。我哋亦嘗試搵學校、希望佢去寬限，或者可以遲交學費，佢哋真係冇錢交學費同冇錢過生活，我哋試過搵到慈善基金幫手，有一個佛教組織，搵緊畫家畫一個畫冊，吳綺莉就簽合同，每月拎30,000人工，做咗12個月，但佢交唔到任何畫，人工都照出，到第11個月時佢母親過身，上海層樓亦因為爭咗人一筆錢，畀人釘咗契，爭咗人60萬，但佢媽媽遺產如果要承辦，就要交錢先解凍到層樓去賣，當時我借畀佢60萬，就好似抵押佢大埔間屋，如果還唔到錢，佢大埔層樓就會賣，終於賣到（上海）層樓，佢有一筆現金，話唔想拎住筆錢，結果佢買咗大坑層樓。最近有指係房祖名買樓，呢啲事係唔正確。而佢母女從來冇拎生父親嘅錢，出世前後都冇拎，希望大家畀少少尊嚴呢個單親媽媽。」
|
鍾意就快D Share啦！
|
|
|