今年51歲、有「童顏盛女」之稱嘅陳慧嫻，退隱樂壇多年嘅佢喺2013年復出，前年仲簽約寶麗金做一姐，近年主力喺大陸開騷兼出Hi-Fi碟，喺感情方面，慧嫻自從同醫生男友謝國麟分手後再冇拍拖，一直堅稱唔會為拍拖而拍拖嘅慧嫻，單身生活真係不愁寂寞，專心工作，繼續發掘新挑戰！不過畀心機做嘢之餘，亦都要有一個安樂窩，喺舊年年尾地產界已經有消息話慧嫻將會入住明星聚腳地大埔比華利山別墅，今次佢係以月租4.7萬元，租住湖景道單號屋，洋房實用面積約1,902方呎，實用呎租約25元，同其他歌手明星做鄰居！(新聞連結：http://bit.ly/2mFCl8o)據知情人士透過，今次陳慧嫻係透過中國康樂園地產搵屋，一向好著重私穩嘅慧嫻，睇樓方法亦都好與別不同，佢先派助手去視察環境，助手覺得滿意之後，慧嫻再同助手一齊去睇，不過喺睇樓嗰陣，成間屋只可以得慧嫻同助手，其餘人士需要清場，而佢今次租嘅單號屋，同羅仲謙楊怡、陳豪陳茵媺嘅屋企好近。日前有讀者向《蘋果》報料，經過一輪裝修之後，慧嫻正式搬入新居，見到有一個又一個嘅紙皮箱搬入屋，不過未見慧嫻嘅踪影，只係見到一個疑似係外傭姐姐喺度執屋。
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
|
鍾意就快D Share啦！
|
|
|
