「粗」到咁，阿Kay都係「施捨」一句「可以」，真係陰公豬～
女神謝安琪（阿Kay）隨時生得，而好好老公張繼聰就已經Stand by陪老婆入產房！B女尚未出世，阿聰呢日就忙裏偷閒喺社交網自爆畀阿Kay嫌佢「好」、「幼」、「細」，日操夜操先至得到句「可以」咋陰公！
佢喺Facebook上載咗張自拍認證照，真係不禁要嗌一句：「真係好粗呀！」着上小背心嘅佢唔係半裸影啲咩，只係對鏡影相，不過佢副Body真係冇得再輸，有胸有腰爆晒肌，隻麒麟臂粗過大髀，點知佢話：「老婆以前成日話我對手臂好幼細……依家總算得到一句：『可以』！」雖然網民都激讚「好粗」，但睇嚟老婆大人仲係覺得唔夠粗喎，不過都係想你有咁粗得咁粗啫～唔係點幫手湊女呀！佢仲分享埋操肌心得㗎，就係同啲「雞肉」溝通：「每日同自己d（啲）肌肉溝通，好專注，心無雜念，一心一意咁舉爆自己d（啲）肉，成件事，其實好禪修。」
其實阿聰3年前已經為咗拍電視劇《老表，你好hea！》操肌玩半裸震波，上年又為咗拍廣告地獄式操咗9個月，42吋胸肌、8舊腹肌已經係基本嘢，今次隻麒麟臂仲要粗到呢～畀佢掂一掂都驚撞暈呀！
來源 source: http://hk.on.cc
|
鍾意就快D Share啦！
|
|
|
