掃呢頁CODE去手機

2017年3月21日 星期二

【與劉愷威一年見得幾次】楊冪疑有喜?老爺劉丹都唔信 __,劉愷威,楊冪,劉丹,

(新增回應)劉愷威同大陸女星楊冪於2014年結婚,婚後誕下女兒小糯米,但兩夫婦各顧各拍劇,經常分隔兩地,見面機會少之有少,只係大時大時節先會見小糯米一 ...


(新增回應)劉愷威同大陸女星楊冪於2014年結婚,婚後誕下女兒小糯米,但兩夫婦各顧各拍劇,經常分隔兩地,見面機會少之有少,只係大時大時節先會見小糯米一面。今日竟然有網民影到楊冪現身南京一間母嬰保健院,相中見楊冪戴住帽同口罩,全身包到冚,行動都幾閃縮。該網民仲問點解會去新生兒病區呢?係咪要同小糯米添個弟弟或妹妹?不過,有唔少人質疑楊冪同劉愷威咁少機會見面,如果咁都可以造人成功,咁就真係「百發百中」喇!但亦有人懷疑係同楊冪有9成似嘅替身啫。楊冪工作室今日承認相中人係楊冪,但就冇回應係咪有咗,只解釋楊冪跟住要拍一部有關醫護題材嘅電影,為咗做多啲準備,所以專登去醫院體驗生活,仲話﹕「為更好的理解角色努力,很投入很開心,身體也棒棒的,謝謝大家關心了。」「小糯米」嘅爺爺劉丹今日喺將軍澳出席處境劇宣傳,提起孫女佢即刻笑咪咪,話拍劇唔使開通宵,所以每日返到屋企仲可以見到孫女同佢講聲Good Evening,丹爺話﹕「幾開心、幾冧。」有指楊冪現身母嬰院,劉丹話﹕「佢成日捱夜,check吓身體係應該。」想唔想再抱孫?丹爺哈哈笑話﹕「唔到我話事,隨緣啦,唔會催,有一個湊住止住癮先。」大家都讚劉愷威好孝順,丹爺就一時感觸咁話﹕「我爸爸媽媽走咗之後,有時都諗佢哋喺度時自己係咪做得唔够好,所以我成日叫年青人孝順父母。」

楊冪現身南京母嬰保健院,被指疑有喜。(網絡截圖)
內地網民爆料 劉丹話湊住一個孫頂住癮先。

來源 source: http://s.nextmedia.com
鍾意就快D Share啦!