37歲胡杏兒喺2015年同老公李乘德結婚，多年來一直都講到明想追仔，而今日母親節佢就有好消息，佢喺ig宣佈陀B。今日下午2點杏兒先喺ig貼咗張托住個肚嘅相，之後再post BB嘅超聲波相宣布有喜，最後佢再post咗張老公李乘德錫杏兒肚嘅相，杏兒仲留言話：「Happy Mother's Day to all mothers in the world (including me)! We are so blessed to let you all know that Little Lee is on the way. Little baby Lee is already doing sit ups in my tummy, yes, mummy and daddy can't wait to see you too!! 今年的母親節太特別了，感恩上天送給我們的禮物，感覺好奇妙。我們的李寶寶已經迫不急待在我肚子裏做起仰臥起坐了，寶寶再等一下，爸爸和媽媽也很期待和你見面呢！」杏兒別出心裁喺母親節宣佈好消息，相信已經陀B三個月，而杏兒o依家同老公正在馬爾代夫Babymoon，佢回應《蘋果》話：「之前一路都唔講得，老公都擔心，三個月前都危險，大家都要保守秘密，好多人都冇講，係最尾最尾差唔多先同好close朋友及屋企人講，現在順利過渡，可以同大家講，都好開心。」講到佢陀B嘅感覺，佢就話：「初初陀B會辛苦啲，會有想嘔，但嘔唔出，好似個胃唔舒服，又冇乜胃口咁。」問到杏兒陀B會唔會停工，佢就話：「你話拍劇好長時間，又唔係孕婦角色就梗係接唔到不過唔會全面停工，會揀，問過下老公先，屋企人都擔心。我要多謝我奶奶日日喺屋企煮嘢我食。」至於BB係男定女，杏兒就拒絕透露：「老公話唔好咁擔心，等佢大個啲再問醫生，o依家最緊要係等佢健康。」
|
鍾意就快D Share啦！
|
|
|