聽Winnie語氣，應該補習社結業一事已經告一段落。
前港姐楊婉儀（Winnie）出席慈善活動啟動禮，表示自從做媽媽之後，出席多了與小朋友有關的慈善活動，令母親節別具意義。問了小朋友送了甚麼禮物，她說：「其實今朝出門口佢哋仲瞓緊，所以未收到禮物，希望返到屋企會有驚喜，因為尋日有透露會有嘅，睇吓係咩喇！但有得休息吓都好開心。（想收DIY禮物？）最好就係自己用心製作嘅禮物，無論大小，簡單與複雜，小朋友送咩我會Keep起同珍惜，佢哋每年親手整都會有特色，睇到佢哋成長過程，可以每年母親節都見到。（擺喺屋企收藏？）其實用紙做嘅會有個folder keep起，另外3D嘅，例如話手掌印、杯或者碗就從來都唔捨得用，會耐唔耐拎出嚟欣賞或者討論番。」
記者又問到她的補習學校情況，她表示：「依家仲有幼稚園，同埋教育中心發展得幾好，會有同NASA（美國太空總署）合作做，所以今日個活動對我特別有意義。因為我覺得每一位小朋友對科技要開始認識，尤其是女仔，佢哋鐘意公主同手工藝，但其實科技大家都需要認識同運用。今日活動希望女仔可以多加認識科研。（有一間補習社結業？）其實有個新發展，就係同NASA合作，學校係用科學同Engineering同Art為主。（開分校？）冇分校，暫時得一間。如果有機會我都會開。（結業原因同錢債有關？）以前學校都交咗畀律師處理，冇特別，同埋以前嘅嘢都過咗好耐，所以都OK，唔會介意。（係新投資？花幾多數字？）係，有好多有心人都想搞教育，我依家都幫緊佢開學校。」
來源 source: http://hk.on.cc
|
鍾意就快D Share啦！
|
|
|