網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月31日 星期二

【我老公係發哥(2)】「我個女死咗喇!」發嫂冇坐月:發哥即刻帶我離港 __,發哥,陳薈蓮,發嫂,周潤發,

1991年,發嫂陳薈蓮懷孕九個月,最後胎死腹中。曾笑言想生四個小朋友的發哥,夫婦倆至今膝下猶虛。七年,發嫂用了七年時間,才能平撫喪女之痛。但她說,之後 ...




1991年,發嫂陳薈蓮懷孕九個月,最後胎死腹中。曾笑言想生四個小朋友的發哥,夫婦倆至今膝下猶虛。

七年,發嫂用了七年時間,才能平撫喪女之痛。但她說,之後沒再刻意「造人」,與陰影無關,只是經歷了那件事情之後,發哥一直忙忙忙忙,她淡然謂:「周潤發嗰刻忙到咁緊要呢,忙到一部接一部接落去,諗都冇得機會去諗,講係一個陰影,冇㗎。」

雖然無子嗣,但發哥和發媽從沒給發嫂壓力,只是撫平傷口的過程漫長。要七年。

「但我好感謝係個過程,好多人好愛錫我啦,寫信俾我,係好感謝……但係個經歷呢,我唔知點解嗰刻我冇喊……好……」說不下去。

「早嗰日,去到一間診所,有個姑娘,大概36歲,佢問我,『你個女點呀?』」發嫂苦笑,用紙巾抹眼角,「我話,『我個女死咗喇!』」數數手指,那位診所姑娘91年大概10歲,不知者不罪;至於點解知道發嫂曾懷有女兒,不得而知,可是發嫂卻能如此坦然,令人佩服。

「係,因為呢個係現實嘛,過去就過去啦。冇所謂,因為我覺得,呢個愛,我俾唔到呢個我應該有嘅女,(哽咽)但我可以散出去俾第二啲人,係咪?冇分別㗎!係咪呀?冇分別㗎……」

最難堪不是多年後還被人問「你個女點呀?」,而是當時事發之後,如何應付外間壓力。

發嫂深深吸了一口氣,「因為嗰刻呢,好多記者一路喺我哋屋企;同埋去到邊度,個個人都會問,發哥就即刻帶我走,冇坐月就即刻帶我離開香港。」

「問題就係,度假返嚟,呢個唔可以去erase咗去,呢個係事實,加埋我又整咗個BB房,返嚟日日睇到都 (想喊) 都有眼淚,因為真係好渴望有呢個女。」

「但呢個係個不幸嘅事,所以我要去接受。」

餘下兩條問題:

「有冇諗過去收養小朋友?」

「唔需要㗎,唔需要收養。頭先我話齋,我有呢個愛,我可以俾好多人。總言之你有呢個心,就得㗎喇。」發嫂說。

「有人影過有個後生仔同你哋一齊,有傳聞話呢個係養子……」

「澄清呢單嘢先,嗰個係我個妹嘅仔嚟㗎。」

發嫂說,她是很多人的「契媽」,包括crew的仔女,都會嗌佢「契媽」:「佢哋對我好close,好易當係一個family member。有啲會叫我『契媽』,冇所謂嘅,你明唔明呀?佢哋開心、點樣去稱呼你,冇所謂㗎!又如何呢?因為佢哋當咗我係一個family member!」

採訪:陳月媚、倩宜

攝錄:卓振輝、廖達燊、吉吉

攝影:郭賢興、陳順禎

協力:林德雄

髮型:Byron Ho、Louis

化妝:Fiona To

場地提供:香港嘉里酒店

「我老公係發哥」:《蘋果》娛樂即時 X「娛果——蘋果娛樂」,10月30日起,逢周一至五刊登。

更多娛聞,喺晒《娛果》

http://fb.com/appledailyent

【我老公係發哥(1)】懷孕十個月女兒胎死腹中 發嫂堅持順產:我點都要經過呢個過程

http://bit.ly/2xybbWp



1991年,發嫂陳薈蓮懷孕九個月,最後胎死腹中。曾笑言想生四個小朋友的發哥,夫婦倆至今膝下猶虛。(資料圖片) 雖然無子嗣,但發哥和發媽從沒給發嫂壓力,只是撫平傷口的過程漫長。要七年。(資料圖片)
七年,發嫂用了七年時間,才能平撫喪女之痛。(資料圖片) 但她說,之後沒再刻意「造人」,與陰影無關,只是經歷了那件事情之後,發哥一直忙忙忙忙。(資料圖片) 「唔需要收養,我有呢個愛,我可以俾好多人。總言之你有呢個心,就得㗎喇。」發嫂說。(資料圖片)

鍾意就快D Share啦!