陳自強夢中離世 成龍哀悼「大佬」
「金牌經理人」陳自強（Willie）前晚深夜於睡夢中離世，終年76歲，他於80年代起，擔任過不少巨星張曼玉、鍾楚紅、李連杰等經理人，更一手捧紅成龍，在娛圈經理人界可謂叱咤風雲！昨日，眾紅星對Willie的離世均深表哀痛，其中成龍更在網上撰寫短文悼念昔日伯樂，稱對方是人生中最重要的人，更揚言：「沒有當年的你，就沒有現在的我！」關係盡在不言中！
陳自強近年健康情況不太好，心臟及肺部都曾出現問題，今年5月更因身體不適一度入院，但很快便出院，5月下旬更與好友在其西貢豪宅開P慶祝76歲生日，其時精神不俗。
8月留言：別在墓前說愛我！
至上月25日，Willie有現身林國斌生日會，以輪椅代步的他精神不俗。昨日他的離世消息傳出後，不少圈中人對死訊大感愕然。不過，Willie似乎早知大限將至，8月時在社交網轉發網絡金句：「當我離世後，請別到我墓前說你們有多愛我，以及有多懷念我，因為那些說話，會是我在世時想要聽到的！」
成龍對於昔日伯樂離世，深表哀痛，昨於社交網發文悼念這位合作超過30年的戰友，並以「前輩」、「兄弟」和「大佬」尊稱對方，非常真摯：「我一生中最重要的人，又離開了一個。很多人知道，沒有當年的你，就沒有現在的我。但沒有人知道我們真正一起經歷的一切。好在我們都知道，都了解。永遠懷念你，我的前輩，兄弟，大佬。」成龍與Willie一度有心結，到2015年元彪嫁女時碰面，才冰釋前嫌！元彪對Willie離世十分傷感，最難忘是當年三人到日本拍戲，談到陳自強與成龍之間的心結時，他說：「呢啲咁深嘅嘢，佢唔會同我哋講！」
嘟嘟自爆「分手」真相
而鄭裕玲（嘟嘟）與Willie合作過一段時間，之前她曾公開指陳自強試過被黑社會用槍指頭，逼他撥出嘟嘟的檔期拍戲，但陳自強否認事件，亦有指他倆因金錢問題最終分道揚鑣，但Willie受訪時指「好小事」。嘟嘟昨日為電台節目開咪時，大讚對方是好人，感謝他在合作期間的照顧，指自己性格自把自為才結束合作關係：「佢係個非常照顧人嘅經理人，我哋有咩要求佢都盡量安排，所以我喺佢旗下嗰幾年學到好多嘢。」鍾楚紅則對陳自強死訊感到驚訝，承認事業上得到他不少幫助：「佢係一個好有耐性、好和善嘅人，而且精力充沛。」
關錦鵬：對往事未釋懷
上月見過Willie的甄子丹、汪詩詩夫婦同樣感到惋惜，汪詩詩指平時都會與對方約一班人齊齊飲酒試新餐廳：「佢係個好開心、永遠帶着笑容，畀人歡樂嘅人，佢會用自己嘅經歷嚟鼓勵你、支持你。」而導演好友關錦鵬表示多年來都有與Willie聯絡，對方月來的精神都不錯，他指Willie時常回想過去：「依家再唔係同成龍一齊嘅時候，時間唔會再返轉頭，但Willie好似未能釋懷，做朋友會叫佢享受退休生活。」至於叫陳自強做「爸爸」的肥媽在對方生日時力勸他戒煙戒酒，Willie卻答：「阿女，老竇仲有幾耐，你畀我幸福吓」另外，本報記者亦有到陳自強西貢寓所附近，惟未見其契仔徐君俊蹤影。
至於陳自強的身後事，好友梁李少霞指Willie契仔徐君俊身在外地，待對方回港才有決定，香港演藝人協會或會幫手搞，但暫時尚未落實。
文：影視組
|
鍾意就快D Share啦！
|
|
|