陳薈蓮成為周潤發太太後，一身兼幾職，不但要照顧丈夫的起居飲食，還要擔當經理人，安排發哥的日常工作。老實說，很多紅星一般不考慮請自己老婆做經理人，因為藝人與經理人之間容易發生磨擦，為免傷感情，一定向外求，但發哥卻獨具慧眼，86年娶了陳薈蓮後，就叫太太當他經理人，沒想到發嫂這個經理人新丁，當年面對不少入侵影壇的江湖大佬，她依然毫無惧色。
到底發哥教了老婆甚麼做經理人秘訣呢？發嫂笑言：「結婚後真係順其自然做咗佢經理人，佢冇乜教我點做經理人。想我自己親身去體會，只係買咗本《孫子兵法》嘅書送俾我睇，我要睇咗10次，再經歷一啲事先明白書中道理。因為佢唔係NORMAL嘅書嚟，佢係講緊政治嗰啲嘢！到今時今日，我好多謝老公送呢部書俾我，我真係喺嗰度學會要忍。無論做經理人好，做人都好，識得忍會改變好多嘢！ 」
在發嫂和經理人兩個身份中，到底那個身份比較難做呢？事實上發嫂在發哥合約上出名要求高，遠在荷李活，近至中港台的電影公司與她交手都會甘拜下風，最後都是依照她要求簽約。發嫂表示：「冇一個角色係易做嘅，一個女人做得一個人嘅老婆，仲身兼經理人，當然在公在私都要為老公爭取到最佳利益同保護好佢，我絕對唔介意做醜人。可能對啲老闆會覺得我係辣椒，但其實我同啲Crew相處得好好，老公係特別錫工作人員，譬如喺現場整個發記士多都係想俾福利佢地，有時買吓嘢返嚟，見佢地食得開心，我地就開心，好似今次拍莊文強嘅《無雙》，同成班Crew喺加拿大拍外景時，係拍得好辛苦，因為有好多actions，每人開14個鐘，我地好多人病，個個人嚟問我攞藥，因為我攞咗一咋藥出埠開工，但同大家真係相處得好開心，感覺似一家人出埠咁。」
為發哥做了這麼多年的經理人，有發生大磨擦嗎？發嫂表示：「呢度我地兩個好好，大家係分得好清楚 大家嘅job就係發哥係creative，我係management。佢從來唔會干涉或質疑我做嘅嘢，佢好trust我。同樣去到creative嗰度，我唔會touch佢嘅嘢，大家做嘢嘅方向都幾好，大家都明白大家應該做乜嘢，咁呢度咪唔使亂囉！」
記者：陳月媚、倩宜
攝錄：卓振輝、廖達燊、吉吉
攝影：郭賢興、陳順禎
協力：林德雄
髮型：Byron Ho、Louis
化妝：Fiona To
場地提供：香港嘉里酒店
「我老公係發哥」：《蘋果》娛樂即時 X「娛果——蘋果娛樂」，10月30日起，逢周一至五刊登。
【我老公係發哥（1）】懷孕十個月女兒胎死腹中 發嫂堅持順產：我點都要經過呢個過程
http://bit.ly/2xybbWp
【我老公係發哥（2）】「我個女死咗喇！」發嫂冇坐月：發哥即刻帶我離港
http://bit.ly/2ie4zpq
【我老公係發哥（3）】發嫂爆發哥追女手法 日日寄PostCard晚晚追魂Call
http://bit.ly/2xEQAzu
【我老公係發哥（4）】結婚係驚喜 發哥曾表明：你要記住，我唔會娶你㗎！
http://bit.ly/2z52aFO
【我老公係發哥（5）】日付發哥幾百蚊零用 買樓興一炮過俾晒錢
http://bit.ly/2xTy7iY
【我老公係發哥（6）】賭前作法？ 發嫂先係女賭神：真係年年贏到開巷
http://bit.ly/2y4k2zc
【我老公係發哥（7）】31年恩愛婚姻秘訣 情聖發哥送花蒸蟹製驚喜
http://bit.ly/2lZzUl0
更多娛聞，喺晒《娛果》
http://fb.com/appledailyent
|
鍾意就快D Share啦！
|
|
|