李佳芯今次真係艷福無邊呀！
藝人李佳芯（Ali）及龔嘉欣（Katy）到將軍澳出席《東港城 x miffy與你雪地迎聖誕》活動，與大公仔及現場多個聖誕場景合照，新鴻基地產代理有限公司租務部總經理鍾秀蓮在活動上送上禮品給兩位宅男女神預祝他們聖誕快樂，並預祝兩人生日，吸引大批市民圍觀。
Ali早前接受子宮囊腫切除手術，活動上見她精神奕奕，並穿上有踭鞋，她表示身體已康復不少：「其實醫生冇話唔可以着高踭鞋，但之前出席巡禮，穿斗零踭真係好攰，所以今日都着厚底鞋。」
避談男友
講到她將於今晚台慶劇《誇世代》出場，她笑言一出場就會叫陳豪除衫及摸他，問到之後跟陳豪有否床戲？Ali說：「有呀！仲有虐待，SM嗰隻，睇我個樣就知我一定係S，主動嗰隻，仲有會SM胡鴻鈞，佢係絕對的M，好好笑，有好多大家估唔到嘅場面。」Ali又表示跟戲中三名大隻仔張繼聰、陳豪及森美都有對手戲，問會否叫男友陳炳銓也練大隻？她說：「工作上我都摸慣，不外如是啫！雖然我摸上癮……身邊朋友有自己選擇同性格，唔會逼佢。」
來源 source: http://hk.on.cc
|
鍾意就快D Share啦！
|
|
|