鍾麗緹一早飛到長沙送驚喜畀老公張倫碩，呢個Look冇得輸
47歲「性感女神」鍾麗緹（Christy）2016年再婚，嫁畀細佢12年嘅內地男星張倫碩，唔經唔覺兩人已經結婚一周年喇！婚前婚後一樣恩愛嘅佢哋，Christy今日就為喺長沙拍緊戲嘅老公炮製驚喜，化身性感女僕由北京人肉速遞！
Christy一早起身大晒素顏樣，又去做Gym準備以最佳狀態見老公，之後佢就出發去機場，仲帶咗老公最鍾意食嘅蛋糕過去！而最驚喜嘅，莫過於Christy預備咗套低胸女僕衫！佢去到老公所住嘅酒店後，即時變裝Cosplay着上黑絲，準備送餐！
當佢敲老公房門冇人應時，Christy表現得好緊張，最後敲咗幾次門後，張倫碩終於開門，見到老婆出現喺眼前嘅佢，非常驚訝同難以置信！Christy就大玩制服誘惑即時攬實老公，兩人仲忘形得唔記得門外嘅拍攝者，道門差啲閂埋添，睇嚟張倫碩好心急呀！網民都笑言：「一見面就準備……」又祝福兩人要永遠幸福快樂呀！
來源 source: http://hk.on.cc
|
鍾意就快D Share啦！
|
|
|