劉氏家訓：浪漫即係浪費。
「佢所有浪漫嘅嘢，都係同食物有關，譬如佢會買啲波蘿包畀你 。」翁靜晶笑。
劉家良師傅是老派人，表達愛和關懷，他會用最實際的方法——唔係折現，而是買食物，例如，「今晚加餸！」係一條魚。他知道翁靜晶喜歡吃魚。
「佢會咁嘅，佢買一樣嘢俾你食，譬如，佢買一餅雞蛋仔俾你，你只要話餅雞蛋仔好食，咁你往後嘅日子，就不斷食緊雞蛋仔，佢不斷不斷不斷買雞蛋仔畀你，而佢期望你俾一個好驚喜嘅反應。
「直至有一日，你反面喇，唔想再食喇，咁佢就覺得好無奈好受傷，『點解你會變咗呢？點解雞蛋仔冇變，你變咗呢？』」令人哭笑不得。
是的，say NO，是很講求藝術。一句說話，可以令堂堂鐵漢——即劉師傅心靈受創。
也有可能，會令自己以後收不到「包包」——手袋嗰啲包包。
「師傅有時會買啲嘢俾我，譬如買個袋俾我，佢買嗰個袋俾我，我真係唔會鍾意囉！但係如果你係表現得唔鍾意呢？咁就好弊！佢就會好挫敗，以後都唔會再買嘢俾你，就係咁樣。」
送花呢？更好笑。翁靜晶說，劉師傅是老派人，老派人拎住紮花的時候，目的只有一個，唔係求婚，係拜山。「佢唔會攞住紮花送俾女人，你唔好諗住佢會買花俾你，因為佢覺得啲花係冇根，唔擺得耐，係好浪費嘅，如果你要買花，佢會買棵樹俾你。」
結果劉師傅真係送咗棵芒果樹俾佢，令翁靜晶又好氣又好笑：「我同佢講，我死嗰陣時你送（花）都唔遲。佢會覺得送花係送俾死人，唔係送畀活人。」
求婚都冇送花？「邊有求婚啫？『簽個紙』『好呀！』咁就去0架喇，係唔浪漫0架，係咁0架」求婚呢？「係我講嘅咁又，佢就更加唔會講添係我講嘅。」
記者：嵐山、馮國康、倩宜
攝錄：馮峰、卓振輝
攝影：陳俊強
更多娛聞，喺晒《娛果》
http://fb.com/appledailyent
【俠味道‧翁靜晶(1)】恩愛三十載之謎 翁靜晶點解叫劉師傅做細B？
http://bit.ly/2AnvNoz
【俠味道‧翁靜晶(2)】明知劉家良已有家室 翁靜晶：以前嘅社會好唔同
http://bit.ly/2jbxufo
【俠味道‧翁靜晶(3)】浪漫等如浪費 劉家良餵包餵到翁靜晶反面？
http://bit.ly/2kiuroY
【俠味道‧翁靜晶(4)】翁靜晶 劉家良戲假情真 張國榮原來係月老
http://bit.ly/2kkwDw3
|
鍾意就快D Share啦！
|
|
|