閃到呢！
藝人江若琳（Elanne）今年四月底宣布與前組合Bliss成員兼「生煎包王」蕭潤邦（Oscar）拍拖，二人近日到歐洲旅行時，不時在社交網站大放閃光彈。他們前日轉到英國繼續行程，更一齊睇阿仙奴對曼聯的英超賽事，結果作客的曼聯以3比1勝出。Oscar上載與女友合照之餘，仲留言冧爆話：「如果人生現場睇到一場嘅雙紅會已經係happy到咩咁！如果人生有一個最愛嘅女人陪你睇呢場波更加係幸福到裂開！所以我真的很幸運！」又笑言自己平時冷靜而不羈，但今次睇到過度活躍。
而Elanne亦上載現場照片及短片，又以「震憾」形容賽事，她留言說：「一個完全唔識足球嘅我今日第一次入場睇波，唔知點解睇得人好激動！成場氣氛令到我好感動！超超超好睇超超超精彩！我叫到聲都沙呀！足球原來唔單止係一場比賽，裏面仲包含咗一種精神！我諗我從此愛上咗！」
Elanne接受東網訪問時表示，笑謂跟男友一樣支持曼聯：「今次第一次跟佢去睇波，自己平時電視到好少睇。Oscar係曼聯嘅超級粉絲，所以一定要睇『雙紅會』，我都愛上睇波，睇到現場氣氛好好，同埋球迷好團結，大家好似好激動。」
來源 source: http://hk.on.cc
|
鍾意就快D Share啦！
|
|
|