麥明詩自爆被性侵：唔止一次！
鼓勵曾受性侵犯的受害者打破沉默自揭經過的「#MeToo」運動近日在社交網站發起，身為「十優港姐」的麥明詩昨晚也站出來，自爆曾遭遇「唔止一次」、「阻止不到」的性侵犯，當中一次是參加內地交流團時發生，並認為法律制裁是對不法之徒最好的「報復」方法！多次說不想詳談經過的麥明詩，承認被性侵犯時遭受暴力對待，但強調沒有被強姦！
「香港欄后」呂麗瑤日前在Facebook以標籤「#MeToo」撰文，自揭十年前曾遭前教練性侵犯，呼籲社會各界關注性罪行，事件震驚本港體壇！身為「十優港姐」的麥明詩昨晚同樣響應「#MeToo」運動，自言跟很多女士一樣曾遭性侵犯，她寫道：「（性侵犯）仲要係唔止一次添；有啲係我阻止唔到；有啲係之後諗番，如果我醒覺啲，可能可以阻止到。」、「大家可能會問我點解冇採取進一步行動，咁係因為事情喺內地發生，香港法庭係冇Jurisdiction（司法管轄權）。」她指經歷過後，有感要懂得自衞，所以早前去學習柔術：「呢啲經歷鼓勵我要懂得自衞，我唔係需要打贏一個男人；但係只要製造到一個逃走嘅契機就已經足夠。於是幾個月前我決定咗要學柔術。」
教保存證據
身為英國劍橋大學法律系畢業生的麥明詩，更提供不少法律觀點，讓受害人作參考，更強調被性侵非女士專有，男士都應該要自我保護。她說受害者會有「Retribution」（報復）的感覺，但唯一可取的方法是透過法律去制裁，認為大家要相信Court Trial（庭審），她寫道：「雖然係My words against his words（口同鼻拗），但係其他環境證供都會幫到。」、「想加強個Case，就盡量保存好呢啲環境證據。例如，嘗試留有文字證據，透過Whatsapp質問對方。」
麥明詩坦言受害者事發後受驚，未必能想到以上方法，但希望可讓大眾作參考，她寫道：「我相信，法律係最接近公平嘅裁判方法；佢唔係完美，一定有犯罪者法外逍遙；但係比起網絡審判、私刑，法律係有好多程序保障，希望賦予每一個人一個Opportunity to be heard（有機會發言）。審訊係一個好困擾嘅過程，就算覺得有足夠證據，有唔少人都會放棄起訴，因為唔想被呢件事纏繞落去。但係我哋都唔應該因為怕煩而用其他方法去達到Retribution，因為咁樣係對對方唔公平。」
遭受暴力對待
麥明詩昨晚接受本報電話訪問，只肯簡略描述性侵經過，指事發時正值讀大學一年級在內地參加交流團，指有人趁冇其他人在場時進行性侵犯，承認過程中有少許暴力，但強調不是強姦，被「抽水」感覺強烈：「當時係讀緊Year 1，喺內地發生，呢次深刻啲，有少少陰影，因為有少少暴力。當時即刻用語言質問對方：『你做乜嘢？』對方有立即收手！好彩傷害性唔太大！（對方點侵犯你？）我唔係畀人強姦！」她更多次以「唔會幫助到件事」為由，拒絕詳述經過，更指自揭曾遭性侵犯，因受呂麗瑤的事件啟發，她說：「遇上呢啲事，法律上搜證好困難，但以其他方法渠道去講，件事就會變咗質，講出嚟係想大家有基本認識。」
此外，麥明詩昨日出席劇集《誇世代》宣傳時，直認有留意舊愛林作被指有新歡的報道，她說：「佢話唔係嘛！不過前度有新歡，大家明白唔會一啲感覺都冇，好正常嘅！唔會嬲，但會嘆息囉！咁就三年（拍過拖）！但都唔係浪費時間，係經歷人生階段，會珍惜以前，體會到生命會一直繼續落去。」
文：專案組
|
鍾意就快D Share啦！
|
|
|