前港姐麥明詩於社交網站自爆曾遭性侵犯，引起不少迴響！今天返電視城開工，並接受傳媒訪問，講到有網友質疑她，在呂麗瑤公開性侵事件後，她去公開自己性侵經歷有抽水之嫌，問到她有甚麼看法？麥明詩則表示：「我講呢件事出嚟，係想有正面影響，唔係想去標籤自己係受害人，只係希望唔好再有呢啲事發生，想去幫其他人，教育其他人，如果啲人做啲嘢令自己唔舒服，要講出嚟保護己自己，我講呢件事出嚟，都冇特別去講個詳情同埋亦都冇講啲人嘅背景，就係唔想有網絡公審，只係想帶出，呢啲事唔係大家想像中咁少發生，有人會斟酌（我呢件事）係性侵定係非禮，或者因為我係讀法律，自己嘅睇法同大眾唔一樣，可能有啲人會覺得呢啲只係非禮冇乜嘢，但非禮同性侵都係嚴重罪行，最高會判坐監十年，非禮同性侵都係猥褻侵犯嚟，自己都好想推廣一吓，希望法律知識普及化。」
問到公開事件後被指抽水會否感到很委屈？麥明詩說：「有少少訝異，點解將經歷講出嚟，會變咗畀人話抽水呢？原來性話題，係呢個社會仲係唔能夠隨便講！（有冇委屈到想喊？）自己嘅情緒係用嚟拍劇。（會唔會因為網民攻擊而感到受傷害？）我覺得受傷害嘅地方，係大家焦點放咗喺件事係點樣發生，但呢個唔係重點，做人應該向前看，自己都唔係特登煽動大家嘅情緒。」
由於麥明詩公開事件，但無講到當時的詳情，問會否考慮詳細交代事件，同埋繼續追究，因她曾說侵犯她的人是香港人，對此麥明詩表示：「以前諗過追究，所以返嚟香港都有去報案、落口供，同研究過有冇得追究，但係冇，都冇辦法，呢件事好多年前發生，已經放低咗，事實上依家想追究，都因為時間問題，呈堂證據都會有影響。」性侵事件發生後，有否留有陰影？麥明詩謂：「呢件事係我好深刻嘅一次，因為有暴力成份，我掙扎過，但唔成功。（當時有冇受傷？）唔想太仔細，總之之後遇到呢啲情況，會識得保護自己，依家都去學自衞術，都係為咗保護自己。」
問是否受到呂麗瑤影響，將以前的事說出來？麥明詩謂：「其實我一直都冇特別去收埋，只係發生嘅時候未入行，冇地方去講，但當時我有同屋企人講，而因近期有事發生（指呂麗瑤事件），先將呢件事表達出嚟。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|