感情生活多姿多彩嘅傅嘉莉（Kelly）近年成為無綫力捧嘅小花之一，最近佢有份拍《包青天再起風雲》，會喺劇中飾演相撲手「湯曉晨」一角，更與「展昭」（張振朗飾演）、「趙禎」（張頴康飾演）發展感情線。
為咗演好打女角色，傅嘉莉最近都有練習身手。呢日，佢喺Instagram發長千字文，大談當中嘅辛酸與快樂。佢表示：「琴（昨）日是我從影以來最辛苦的，但亦是令我最興奮，最深刻，最難忘嘅。成個腦，成個人很多思緒情感湧現。體驗到做一位打功夫的角色一D（啲）都唔容易，比我想像中難好多。短時間內要記熟招式，功架，對白，情緒，思維，其中一樣錯都唔得，仲要配合機器，燈光，有限嘅時間和唔夠瞓嘅狀態。
第一好感動嘅，身邊對手好主動教我和幫我，令我演得更有信心，我真是好開心，講真每一次同演得之人合作，我都有點壓力，冇諗過開劇依兩日已經開始有嗰團火和默契，真是好鼓舞，見到佢哋真係覺得自己嘅阿爹同埋家姐，好多謝KK（張國強），定欣（胡定欣），YoYo（陳自瑤），康仔（張頴康）…
今晚是個好挑戰，完全考驗我，講真中途都有D（啲）挫敗，始終武功底子唔夠好，雖然有上到堂，但係都唔夠，好忟點解自己做唔到，我想完美，想每一個鏡頭都做到導演和武指嘅要求，成日同自己講一係唔做一做一定要做到最好，唔好嘥每一次機會同埋大家嘅時間，而且加上好鍾意今次嘅角色，好鍾意古裝，從來都未試過打，好想做得好，但係明白經驗真係要累積，嬲自己都冇用，嗰刻我淨係諗，不斷專注專注，跌低要即刻調整心理起翻身，忍唔住痛流出來的眼淚要即刻克服，唔俾（畀）自己軟弱，原來曹星如講嗰種我已經盡全力喇，係依個感覺，好感恩有咁嘅經歷。
雖然而（依）家周身痛，但內心仍然好激動，除咗因為覺得突破自己，真是做到嗰下個滿足感好大，同埋同有共同目標的團隊一齊做嘢超爽同開心，莊監製又不時嚟睇我哋，呢個氣氛會令你好想俾（畀）心機去做，越（愈）嚟越（愈）鍾意喺TVB拍劇。總之琴（昨）晚嘅感覺真係好正！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|